கபடி:
ஆசிய விளையாட்டு போட்டியில் பெண்களுக்கான கபடி குரூப் ஏ பிரிவில் இந்தியா மற்றும் தாய்லாந்து அணிகள் மோதுகின்றன. ஆட்டத்தின் முதல் பாதியில் இந்திய அணி 32-9 என்ற புள்ளி கணக்கில் முன்னிலையில் உள்ளது.
ஹாக்கி:
ஹாக்கி ஆண்கள் அரையிறுதி போட்டியில் இந்தியா - தென்கொரியா மோதி வருகின்றன. இதில் போட்டி தொடங்கியது முதலே இந்தியா ஆதிக்கம் செலுத்தி வருகிறது. தற்போதைய நிலவரப்படி 3-0 என்ற கோல் கணக்கில் இந்தியா முன்னிலையில் உள்ளது.
பதக்க பட்டியலில் 4ம் இடத்தில் இந்தியா...!
ஆசிய விளையாட்டு தொடரில் 16 தங்கம், 27 வெள்ளி, 31 வெண்கலம் என மொத்தம் 74 பதக்கங்களுடன் இந்தியா பதக்க பட்டியலில் 4ம் இடத்தில் உள்ளது.
குத்துச்சண்டை:
குத்துச்சண்டை பெண்கள் 66-75 கிலோ பிரிவில் இந்தியாவின் லவ்லினா வெள்ளிப்பதக்கம் வென்றார். இறுதிப்போட்டியில் இந்தியாவின் லவ்லினா சீன வீராங்கனையை எதிர்கொண்டார். இப்போட்டியில் 5-0 என்ற புள்ளி கணக்கில் இந்திய வீராங்கனையை வீழ்த்தி சீன வீராங்கனை தங்கப்பதக்கம் வென்றார். போட்டியில் தோல்வியடைந்த இந்திய வீராங்கனை லவ்லினாவுக்கு வெள்ளிப்பதக்கம் கிடைத்துள்ளது.
பேட்மிண்டன்:
பேட்மிண்டன் ஆண்கள் இரட்டையர் ரவுண்ட் ஆப் 16 போட்டி 8ல் இந்தியா - இந்தோனேசியா மோதின. இப்போட்டியில் 24-22, 16-21, 21-12 என்ற நேர் செட்களில் இந்தோனேசியாவை வீழ்த்தி இந்தியா அபார வெற்றிபெற்றது.
இந்திய அணியில் சாத்விக் சாய்ராஜ் ரங்கிரெட்டி, சிரங் சந்திரசேகர் ஷெட்டி ஆகியோர் இடம்பெற்றிருந்தனர்.
இப்போட்டியில் வெற்றிபெற்றதன் மூலம் பேட்மிண்டன் ஆண்கள் இரட்டையர் காலிறுதி சுற்றுக்கு இந்தியா முன்னேறியுள்ளது.
ரோலர் ஸ்கேட்டிங்:
ரோலர் ஸ்கேட்டிங் கலப்பு இன்லைன் பிரிஸ்டைல் ஸ்கேடிங் சலமொன் பெர் இறுதிப்போட்டியில் இந்தியா கடைசி இடம் (7) பிடித்தது. இப்போட்டியில் சீனா தங்கப்பதக்கத்தையும், ஜப்பான் வெள்ளிப்பதக்கத்தையும், தாய்லாந்து வெண்கலப்பதக்கத்தையும் வென்றன.
டைவிங்:
டைவிங் ஆண்கள் 10 மீட்டர் பிளாட்பாம் பிரிலிமினெரி சுற்றில் இந்தியாவின் சித்தார்த் பஞ்ரங் 11ம் இடம் பிடித்தார். 13 வீரர்கள் பங்கேற்ற இப்போட்டியில் 11ம் இடம் பிடித்த போதும் சித்தார்த் இறுதிப்போட்டிக்கு தகுதி பெற்றார்.
வில்வித்தை:
வில்வித்தை ரிகர்வி கலப்பு குழு காலிறுதி போட்டியில் இந்தியா - இந்தோனேசியா மோதின. பரபரப்பாக நடந்த இப்போட்டியில் ஷூட்அவுட் முறையில் 5-4 என்ற புள்ளி கணக்கில் இந்தியாவை வீழ்த்தி இந்தோனேசியா அபார வெற்றிபெற்றது. இந்த வெற்றியின் மூலம் இந்தோனேசியா அரையிறுதிக்கு முன்னேறியது.
காலிறுதியில் தோல்வியடைந்த இந்திய இணை அங்கிதா, அதனு தாஸ் இணை அடுத்த சுற்றுக்கு செல்லும் வாய்ப்பை இழந்தது.
பதக்க பட்டியல்:
ஆசிய விளையாட்டு தொடரில் 16 தங்கம், 26 வெள்ளி, 31 வெண்கலம் என மொத்தம் 73 பதக்கங்களுடன் இந்தியா பதக்க பட்டியலில் 4ம் இடத்தில் உள்ளது.
குத்துச்சண்டை:
குத்துச்சண்டை பெண்கள் 54-57 கிலோ பிரிவு அரையிறுதி போட்டியில் இந்தியா - சீன தைபே மோதின. இப்போட்டியில் 5-0 என்ற புள்ளி கணக்கில் இந்திய வீராங்கனை பர்வீனை வீழ்த்தி சீன தைபே வீராங்கனை அபார வெற்றிபெற்றார்.
அரையிறுதியில் தோல்வியடைந்தபோதும் இந்திய வீராங்கனை பர்வீனுக்கு வெண்கலப்பதக்கம் கிடைத்துள்ளது.