சட்டசபை தேர்தல்: 5 மணி நிலவரம்.. மராட்டியம்-58.22, ஜார்கண்ட்-67.59 சதவீத வாக்குப்பதிவு

மராட்டியம், ஜார்கண்டில் வாக்குப்பதிவு நிறைவு

மராட்டியம், ஜார்கண்ட் மாநிலங்களில் சட்டமன்ற தேர்தலுக்கான வாக்குப்பதிவு நிறைவடைந்தது. மராட்டியத்தில் மொத்தமுள்ள 288 தொகுதிகளுக்கும் ஒரே கட்டமாக தேர்தல் நடைபெற்றது. ஜார்கண்ட் மாநிலத்தில் இரண்டாம் கட்டமாக இன்று 38 தொகுதிகளுக்கு வாக்குப்பதிவு நடந்தது.

மராட்டிய சட்டசபை தேர்தல்: மும்பையில் உள்ள வாக்குச்சாவடியில் பாலிவுட் நடிகர் ஷாருக்கான் தனது குடும்பத்துடன் வந்து ஜனநாயக கடமையாற்றினார்.

மராட்டிய சட்டசபை தேர்தல்: மும்பையில் உள்ள வாக்குச்சாவடியில் பலத்த பாதுகாப்புடன் பாலிவுட் நடிகர் சல்மான் கான் வாக்களித்தார்.

மராட்டியத்தில் சட்டசபை தேர்தலுக்கான வாக்குப்பதிவு விறுவிறுப்பாக நடைபெற்று வரும் நிலையில், தெற்கு மும்பையின் வில்லா தெரசா பள்ளியில் உள்ள வாக்குச்சாவடியில் ரிலையன்ஸ் குழுமத் தலைவர் முகேஷ் அம்பானி தனது குடும்பத்தாருடன் வந்து வாக்களித்தார்.

மராட்டிய சட்டசபை தேர்தல்: மும்பையில் உள்ள வாக்குச்சாவடியில் பாடகர் சங்கர் மகாதேவன் தனது குடும்பத்துடன் வந்து ஜனநாயக கடமையாற்றினார். வாக்களித்த பின் செய்தியாளர்களிடம் அவர் கூறுகையில், வாக்குப்பதிவு மிகவும் அமைதியாக நடைபெற்று வருகிறது. அனைவரும் வாக்களிக்குமாறு கேட்டுக்கொள்கிறேன் என்றார்.

மராட்டியத்தில் சட்டசபை தேர்தலுக்கான வாக்குப்பதிவு விறுவிறுப்பாக நடைபெற்று வரும் நிலையில், மும்பையில் உள்ள வாக்குச்சாவடியில் பிரபல பாலிவுட் நடிகை மாதுரி தீட்சித் வாக்களித்தார்.

மராட்டிய சட்டசபை தேர்தல்: மும்பையில் உள்ள வாக்குச்சாவடியில் நடிகை ரகுல் பிரீத் சிங் தனது கணவர் ஜாக்கி பக்னானியுடன் வந்து வாக்களித்தார்.