கேரளாவில் பயங்கர நிலச்சரிவு: பலி எண்ணிக்கை 123 ஆக உயர்வு - இரவிலும் தொடரும் மீட்பு பணிகள்

வயநாடு நிலச்சரிவு குறித்து கேரள முதல் மந்திரி பினராயி விஜயனுடன் தமிழ்நாடு முதலமைச்சர் மு.க.ஸ்டாலின் தொலைபேசியில் பேசினார்.

நிவாரணப் பணிகளை மேற்கொள்ள தமிழ்நாடு அரசு ₹5 கோடியை வழங்க உள்ளது. மேலும், மூத்த ஐ.ஏ.எஸ். அதிகாரிகள் இருவர் தலைமையில் ஒரு குழு அங்கு செல்ல இருக்கிறது.

#BREAKING || மீட்பு மற்றும் நிவாரண பணிகளை மேற்கொள்ள மத்திய அரசு விரைவாக நடவடிக்கை எடுக்க வேண்டும்

மீட்பு பணிகள் குறித்து கேரள முதல்வரிடம் கேட்டறிந்தேன்

நிலச்சரிவு ஏற்படக்கூடிய இடங்களை கண்டறிந்து, அதற்குரிய முன்னெச்சரிக்கை நடவடிக்கைகளை எடுக்க வேண்டும்

போக்குவரத்து மற்றும் தகவல்… pic.twitter.com/IHpAmaSvf1

— Thanthi TV (@ThanthiTV) July 30, 2024

கேரள நிலச்சரிவு குறித்து விவாதிக்க வேண்டும் என வலியுறுத்தி மாநிலங்களவையில் எதிர்க்கட்சிகள் முழக்கத்தில் ஈடுபட்டன. வயநாடு நிலச்சரிவை தேசிய பேரிடராக அறிவிக்க வேண்டும் என்று கேரள மாநில எம்பிக்கள் வலியுறுத்தினர். மீட்பு நடவடிக்கைகளை துரிதப்படுத்த வேண்டும் என்று எம்பிக்கள் று தொடர்ந்து முழக்கமிட்டனர். அவையில் விவாதிக்க வேண்டும் என்ற கோரிக்கையை ஏற்று கேரள எம்பிக்கள் பேசுவதற்கு மாநிலங்களவை தலைவர் அனுமதி அளித்தார். 

விரைந்தது ராணுவம்

கேரளாவின் வயநாட்டில் நிலச்சரிவு ஏற்பட்ட உடன் உடனடியாக ராணுவத்தின் உதவி கோரப்பட்டது. இதனையடுத்து காலாட்படை பட்டாலியனைச் சேர்ந்த 225 பேர் மீட்பு பணியில் ஈடுபடுத்தப்பட்டு உள்ளனர். மருத்துவ அதிகாரிகள் குழு தலைமையில், 40 பேர் அடங்கிய குழுவினர் மீட்பு பணிக்கு உதவுவதற்காக தயார் நிலையில் வைக்கப்பட்டு உள்ளனர்.

குன்னூர் கண்டோன்மென்டில் இருந்தும் இரண்டு குழுவினர் வயநாடு விரைந்து உள்ளனர். தேசிய பேரிடர் மீட்பு குழுவினரும் மீட்பு பணியில் ஈடுபட்டு உள்ளனர் விமானப்படைக்கு சொந்தமான ஏஎல்எச் மற்றும் எம்ஐஐ 7 ஹெலிகாப்டர்களும், சாரங் வகை ஹெலிகாப்டர்களும் மீட்பு பணியில் முன்னின்று உதவி வருகின்றன.

கேரளாவில் அரசு நிகழ்ச்சிகள் அனைத்தும் ரத்து செய்யப்படுவதாக கேரள முதல் மந்திரி பினராயி விஜயன் அறிவித்துள்ளார்.

நிலச்சரிவால் பாதிக்கப்பட்டுள்ள வயநாட்டில் மீட்பு பணிகள் தொடர்ந்து நடைபெற்று வருகின்றன. மீட்பு பணியில் ராணுவம் ஈடுபடுத்தப்பட்டுள்ளது. பல வீடுகள் மண்ணோடு மண்ணாக அடித்து செல்லப்பட்டன. இதனால், பலி எண்ணிக்கை அதிகரிக்கும் என்று அஞ்சப்படுகிறது. தற்போது வரை பலி எண்ணிக்கை 36-ஆக உயர்ந்துள்ளது. இதனிடையே, மக்களவை எதிர்க்கட்சி தலைவர் ராகுல் காந்தி வயநாடு செல்ல உள்ளதாக தகவல் வெளியாகியுள்ளது.  மீட்பு பணிகள் தொடர்பாக நேரில் சென்று அறியவும் மீட்பு பணிகளை துரிதப்படுத்தவும் சம்பவ இடத்திற்கு  செல்ல ராகுல் காந்தி திட்டமிட்டுள்ளதாக தெரிகிறது.

கேரள நிலச்சரிவில் சிக்கியவர்களை மீட்கும் பணியில் ராணுவம் ஈடுபடுத்தப்பட உள்ளது.