படுக்கை கொடுக்காமல் கர்ப்பிணி டேபிளில் வைத்து சிகிச்சை ; பெண் மரணம்
அரசு மருத்துவமனையில் அலட்சியத்தால் 27 வயதான கர்ப்பிணிப் பெண் மரணம் அடைந்துள்ளார்.
கோடா
ராஜஸ்தான் மாநிலம் புண்டி மாவட்டத்தில் உள்ள புண்டி நகர் குருநானக் காலனியை சேர்ந்தவர் கவுசல்யா பாய் ( வயது 27). இவர் நிறைமாத கர்ப்பிணியாக இருந்தார். வயிற்று வலி காரணமாக அங்குள்ள அரசு மருத்துவமனைக்கு சிகிச்சைக்காக சென்று உள்ளார்.
கவுசல்யா இரண்டு மகளிர் மருத்துவர்களால் பரிசோதிக்கப்பட்டு உள்ளார். அவர் இரவில் அல்லது அடுத்த நாள் காலையில் குழந்தை பெற்றெடுப்பார் என எதிர்பார்க்கப்பட்டது மற்றும் அவரது நிலை சாதாரணமானதாக இருந்தது. அந்தப் பெண்ணுக்கு ஒரு படுக்கைக்கு ஒதுக்கப்படவில்லை , அதற்குப் பதிலாக முதலில் ஒரு மேஜை மீது வைத்து சிகிச்சை அளிக்கப்பட்டது. பின்னர் அவர் வார்டுக்கு மற்றப்பட்டார். ஆனால் அவர் அங்கு கவனிக்கப்படவில்லை. இதனால் அவர் மரணமடைந்து உள்ளார்.
கடமையில் இருந்த மருத்துவ ஊழியர்கள் நோயாளி 'ஓடிப்போய்' விட்டதாக கூறினர். கடைசி வரை ஊழியர்கள் அந்த பெண்ணின் மரணம் குறித்து விளக்கவில்லை.
இது குறித்து பெண்ணின் கணவர் நந்த் கிஷோர் கூறியதாவது:-
கடமையில் இருந்த டாக்டர்கள் என் மனைவிக்கு சிகிசைக்கை அளித்து இருந்தால் அவள் காப்பாற்றப்பட்டிருக்கலாம். கடமை ஊழியர்கள், நாங்கள் பலமுறை மருத்துவமனையை விட்டு சென்று விட்டோம் என்று கூறினர், உண்மையில் நாங்கள் கேலரிக்கு வெளியில் இருந்தோம் மற்றும் சிகிச்சைக்காக காத்திருந்தோம் என கூறினார். ஆனால் இதனை மருத்துவமனை நிர்வாகம் மறுத்து உள்ளது.
ஒரு நோயாளி தகவல் தெரிவிக்காமல் மருத்துவமனையின் வார்டை விட்டு, வெளியேறினால் மருத்துவ ஊழியர்களும் மருத்துவமனைகளும் பொறுப்பு அல்ல.
மருத்துவமனைக்கு போதுமான படுக்கைகள் இல்லை. மருத்துவர்கள் வார்டுக்கு வெளியே உள்ள அட்டவணையில் இருக்கும் நோயாளிகளுக்கு சிகிச்சையளிக்க வேண்டிய கட்டாயம் உள்ளது, என மாவட்ட மருத்துவமனை முதன்மை மருத்துவ அதிகாரி டாக்டர் ஓ பி வர்மா கூறி உள்ளார்.