சீறிப்பாயும் காளைகள்.. அடக்கும் காளையர்கள்... விறுவிறுப்பாக நடைபெறும் பாலமேடு ஜல்லிக்கட்டு

பாலமேடு ஜல்லிக்கட்டு போட்டி நிறைவடைந்து உள்ளது. சிறந்த காளையாக புதுக்கோட்டை ராக்கெட் சின்னகருப்பு காளை தேர்வு செய்யப்பட்டு உள்ளது. அதற்கு முதல் பரிசு கிடைத்துள்ளது.

2020, 2021, 2022 ஆகிய ஆண்டுகளில் பாலமேட்டில் முதல் பரிசை வென்றவர் என்ற பெருமையை பெற்றவர் பொதும்பு பிரபாகரன்.

மதுரை பாலமேடு ஜல்லிக்கட்டு போட்டியில், 10 காளைகளை அடக்கி சின்னப்பட்டி தமிழரசன் 2-வது இடத்தில் தொடர்ந்து நீடித்து வருகிறார். கொந்தகையை சேர்ந்த பாண்டீஸ்வரன் மற்றும் சரவணன் ஆகியோர் தலா 7 காளைகளை அடக்கி 3-வது இடத்தில் உள்ளனர்.

மதுரை பாலமேடு ஜல்லிக்கட்டு போட்டியின் இறுதி சுற்று விறுவிறுப்பாக நடந்து வருகிறது. இதுவரை நடந்த 9 சுற்று போட்டிகளில் 40 பேர் காயம் அடைந்து உள்ளனர்.

இதுவரை நடந்த 9 சுற்றுகளில் 781 காளைகள் அவிழ்த்து விடப்பட்டு உள்ளன. பொதும்பு பிரபாகரன் 12 காளைகளை அடக்கி முதல் இடத்தில் உள்ளார்.

மதுரை எலியார்பத்தியில் நடந்த மஞ்சு விரட்டு போட்டியில் காளை முட்டியதில் ரமேஷ் என்ற வாலிபர் பலியாகி உள்ளார்.

பாலமேடு ஜல்லிக்கட்டு போட்டியில் காளை முட்டியதில், பாதுகாப்பு பணியில் ஈடுபட்டிருந்த ஸ்ரீவைகுண்டம் காவல் ஆய்வாளர் அன்னராஜ் என்பவர் காயம் அடைந்துள்ளார். அவர் மேல் சிகிச்சைக்காக மதுரை அரசு ராஜாஜி மருத்துவமனையில் சேர்க்கப்பட்டார்.

8 காளைகளை அடக்கி பிரபாகரன் முன்னிலை வகிக்கிறார். 6 காளைகளை அடக்கி தமிழரசன் 2-வது இடத்தில் நீடிக்கிறார்.