புரோ கபடி லீக்; உ.பி.யோத்தாஸை வீழ்த்தி 3வது வெற்றியை பதிவு செய்த பாட்னா பைரேட்ஸ்

ஐதராபாத்,

11-வது புரோ கபடி லீக் போட்டி ஐதராபாத்தில் நடந்து வருகிறது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் 'பிளே-ஆப்' சுற்றுக்கு தகுதி பெறும்.

இந்நிலையில், இந்த தொடரில் நேற்று ஓய்வு நாளாகும். இதையடுத்து இந்த தொடரில் இன்று நடைபெற்ற முதல் லீக் ஆட்டத்தில் உ.பி.யோத்தாஸ் - பாட்னா பைரேட்ஸ் அணிகள் மோதின. தொடக்கம் முதலே பரபரப்பாக நடைபெற்ற இந்த ஆட்டத்தில் 42-37 என்ற புள்ளிக்கணக்கில் உ.பி.யோத்தாஸை வீழ்த்தி பாட்னா பைரேட்ஸ் 3வது வெற்றியை பதிவு செய்தது.

தொடர்ந்து இன்று நடைபெற்று வரும் 2வது லீக் ஆட்டத்தில் பெங்களூரு புல்ஸ் - தெலுங்கு டைட்டன்ஸ் அணிகள் ஆடி வருகின்றன.