ஐ.எஸ்.எல். கால்பந்து; ஜாம்ஷெட்பூரை வீழ்த்தி அபார வெற்றி பெற்ற மோகன் பகான்

கொல்கத்தா,

13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. 11 நாட்கள் ஓய்வுக்கு பிறகு மீண்டும் இந்த போட்டித் தொடர் நேற்று தொடங்கியது இந்த தொடரில் நேற்று நடைபெற்ற ஒரு லீக் ஆட்டத்தில் ஜாப்ஷெட்பூர் எப்.சி - மோகன் பகான் சூப்பர் ஜெயண்ட்ஸ் அணிகள் மோதின.

இந்த போட்டியில் தொடக்கம் முதலே அபார ஆட்டத்தை வெளிப்படுத்திய மோகன் பகான் அணி அடுத்தடுத்து கோல்கள் அடித்து அசத்தியது. ஜாம்ஷெட்பூர் அணியினர் கோல் அடிக்க எடுத்த முயற்சிகளுக்கு இறுதிவரை பலன் கிடைக்கவில்லை.

இறுதியில் ஆட்ட நேர முடிவில் 3-0 என்ற கோல் கணக்கில் ஜாம்ஷெட்பூரை வீழ்த்தி மோகன் பகான் சூப்பர் ஜெயண்ட்ஸ் அணி அபார வெற்றி பெற்றது.