ஐ.எஸ்.எல். கால்பந்து; பரபரப்பான ஆட்டத்தில் முகமதின் அணியை வீழ்த்திய பெங்களூரு எப்.சி

கொல்கத்தா,

13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடந்து வருகிறது. இந்நிலையில், இந்த தொடரில் இன்று நடைபெற்ற ஆட்டத்தில் பெங்களூரு எப்.சி - முகமதின் எஸ்.சி அணிகள் மோதின.

இந்த போட்டியின் முதல் பாதியில் முகமதின் அணி ஒரு கோல் அடித்து 1-0 என முன்னிலை பெற்றது. தொடர்ந்து நடைபெற்ற 2வது பாதி ஆட்டத்தில் பெங்களூரு அணியும் ஒரு கோல் அடித்து ஆட்டத்தை 1-1 என சமனுக்கு கொண்டு வந்தது.

இறுதியில் இந்த ஆட்டம் டிராவில் முடியும் என எதிர்பார்க்கப்பட்டது. ஆனால் ஆட்டத்தின் கடைசி நிமிடத்தில் பெங்களூரு அணி மேலும் ஒரு கோல் அடித்தது. இறுதியில் இந்த ஆட்டத்தை 2-1 என்ற கோல் கணக்கில் பெங்களூரு அணி கைப்பற்றியது.