மகளிர் ஒருநாள் கிரிக்கெட்; இந்திய அணி 358 ரன்கள் குவிப்பு

வதோதரா,

வெஸ்ட் இண்டீஸ் மகளிர் அணி இந்தியாவில் சுற்றுப்பயணம் மேற்கொண்டு 3 டி20 மற்றும் 3 ஒருநாள் போட்டிகள் கொண்ட தொடரில் விளையாடி வருகிறது. இதில் முதலில் நடைபெற்ற டி20 தொடரை 2-1 என்ற கணக்கில் இந்தியா கைப்பற்றியது. இதையடுத்து இவ்விரு அணிகள் இடையிலான 3 போட்டிகள் கொண்ட ஒருநாள் தொடர் நடைபெற்று வருகிறது.இதில் முதல் ஆட்டத்தில் இந்தியா வெற்றி பெற்று தொடரில் 1-0 என முன்னிலையில் உள்ளது. இந்நிலையில் இரு அணிகளுக்கும் இடையிலான 2வது போட்டி இன்று வதோதராவில் நடக்கிறது. இதையடுத்து இந்த ஆட்டத்திற்கான டாஸ் சுண்டப்பட்டது. இதில் டாஸ் வென்ற இந்தியா முதலில் பேட்டிங் செய்வதாக அறிவித்தது.

அதன்படி , இந்திய அணி தொடக்கம் முதல் சிறப்பாக விளையாடி ரன்கள் குவித்தது . இந்திய அணியில் அதிரடியாக விளையாடி ஹர்லீன் தியோல் சதமடித்து அசத்தினார், மேலும் ஸ்மிருதி மந்தனா, பிரதிகா ராவல் , ஜெமிமா ரோட்ரிக்ஸ் ஆகியோர் அரைசதம் அடித்து அசத்தினர் .

இதனால் இந்திய அணி 50 ஓவர்கள் முடிவில் 5 விக்கெட் இழப்பிற்கு 358 ரன்கள் எடுத்தது. தொடர்ந்து 359 ரன்கள் இலக்குடன் வெஸ்ட் இண்டீஸ் அணி விளையாடுகிறது.