டப்ளின்,

வெஸ்ட் இண்டீஸ் கிரிக்கெட் அணி அயர்லாந்தில் சுற்றுப்பயணம் மேற்கொண்டு 3 போட்டிகள் கொண்ட டி20 தொடரில் ஆடியது. இந்த தொடரின் முதல் 2 ஆட்டங்களும் மழை காரணமாக ரத்து செய்யப்பட்டது. இதனையடுத்து இரு அணிகளுக்கும் இடையிலான 3வது மற்றும் கடைசி டி20 போட்டி பிரெடியில் நேற்று நடைபெற்றது. இதில் டாஸ் வென்ற அயர்லாந்து பந்துவீச்சை தேர்வு செய்தது.

அதன்படி முதலில் பேட்டிங் செய்த வெஸ்ட் இண்டீஸ் அணி 20 ஓவர்களில் 5 விக்கெட்டுகளை இழந்து 256 ரன்கள் குவித்தது. வெஸ்ட் இண்டீஸ் தரப்பில் எவின் லூயிஸ் 91 ரன்கள் எடுத்தார். அயர்லாந்து தரப்பில் மேத்யூ ஹம்ப்ரிஸ் 2 விக்கெட்டுகள் வீழ்த்தினார்.

இதனையடுத்து 257 ரன்கள் அடித்தால் வெற்றி என்ற இமாலய இலக்க்குடன் களம் இறங்கிய அயர்லாந்து அணி 20 ஓவரில் 7 விக்கெட்டை இழந்து 194 ரன்கள் மட்டுமே எடுத்தது. இதன் மூலம் 62 ரன் வித்தியாசத்தில் வெஸ்ட் இண்டீஸ் அபார வெற்றி பெற்றது. அயர்லாந்து தரப்பில் அதிகபட்சமாக ராஸ் அடெய்ர் 48 ரன் எடுத்தார்.

வெஸ்ட் இண்டீஸ் தரப்பில் அஹேல் ஹொசைன் 3 விக்கெட் வீழ்த்தினார். இந்த வெற்றியின் மூலம் 3 போட்டிகள் கொண்ட டி20 தொடரை 1-0 என வெஸ்ட் இண்டீஸ் கைப்பற்றியது.