ஆஸ்திரேலிய ஏ அணிக்கு எதிரான முதலாவது டெஸ்ட்: முதல் இன்னிங்சில் இந்தியா ஏ 107 ரன்களில் ஆல் அவுட்

மேக்கே,

ஆஸ்திரேலியாவுக்கு சுற்றுப்பயணம் மேற்கொண்டுள்ள ருதுராஜ் கெய்க்வாட் தலைமையிலான இந்திய ஏ அணி, அந்நாட்டின் ஏ அணிக்கு எதிராக 2 போட்டிகள் கொண்ட டெஸ்ட் தொடரில் விளையாடுகிறது. இதில் இவ்விரு அணிகளுக்கு இடையிலான முதலாவது டெஸ்ட் போட்டி இன்று தொடங்கியது.

இதில் டாஸ் வென்ற ஆஸ்திரேலியா பந்துவீச்சை தேர்வு செய்தது. அதன்படி முதலில் பேட்டிங் செய்த இந்தியா ஏ, ஆஸ்திரேலிய ஏ அணியின் பந்துவீச்சை சமாளிக்க முடியாமல் அடுத்தடுத்து விக்கெட்டுகளை இழந்தது.

மிகவும் எதிர்பார்க்கப்பட்ட கெய்க்வாட் சந்தித்த முதல் பந்திலேயே கோல்டன் டக் அவுட் ஆகி ஏமாற்றம் அளித்தார். இந்தியா ஏ முதல் இன்னிங்சில் 107 ரன்களில் ஆல் அவுட் ஆனது. அதிகபட்சமாக படிக்கல் 36 ரன்கள் அடித்தார். ஆஸ்திரேலியா தரப்பில் அதிகபட்சமாக பிரெண்டன் டோகெட் 6 விக்கெட்டுகளை அள்ளினார்.

இதனையடுத்து முதல் இன்னிங்சை தொடங்கிய ஆஸ்திரேலியா ஏ 3 விக்கெட்டுகளை இழந்து 44 ரன்களுடன் விளையாடி வருகிறது.