பெர்த்,

இந்தியாவில் நடத்தப்படும் ஐ.பி.எல் தொடர் போல ஆஸ்திரேலியாவில் பிக் பாஷ் லீக் கிரிக்கெட் தொடர் நடைபெறுகிறது. இந்நிலையில், பிக் பாஷ் லீக் தொடரின் 14வது சீசன் இன்று தொடங்கியது. இன்று நடைபெற்ற முதல் ஆட்டத்தில் பெர்த் ஸ்கார்ச்சர்ஸ் - மெல்போர்ன் ஸ்டார்ஸ் அணிகள் மோதின.

இந்த ஆட்டத்திற்கான டாசில் வென்ற மெல்போர்ன் ஸ்டார்ஸ் முதலில் பேட்டிங் செய்வதாக அறிவித்தது. அதன்படி முதலில் பேட்டிங் செய்த மெல்போர்ன் ஸ்டார்ஸ் 20 ஓவர்களில் 9 விக்கெட்டை இழந்து 146 ரன்கள் மட்டுமே எடுத்தது. மெல்போர்ன் ஸ்டார்ஸ் தரப்பில் அதிகபட்சமாக ஸ்டாய்னிஸ், டாக் கர்ரன் ஆகியோர் தலா 37 ரன்கள் எடுத்தனர்.

பெர்த் ஸ்கார்ச்சர்ஸ் தரப்பில் அபாரமாக பந்துவீசிய ரிச்சர்ட்சன் 3 விக்கெட்டுகள் வீழ்த்தினார். இதையடுத்து 147 ரன் எடுத்தால் வெற்றி என்ற இலக்குடன் களம் இறங்கிய பெர்த் ஸ்கார்ச்சர்ஸ் 17.1 ஓவர்களில் 4 விக்கெட்டை மட்டும் இழந்து 150 ரன்கள் எடுத்து 6 விக்கெட் வித்தியாசத்தில் அபார வெற்றி பெற்றது.

பெர்த் ஸ்கார்ச்சர்ஸ் தரப்பில் அபாரமாக ஆடிய கூப்பர் கனோலி அரைசதம் (64 ரன்) அடித்து அசத்தினார். மெல்போர்ன் ஸ்டார்ஸ் தரப்பில் ஆடம் மில்னே, பீட்டர் சிடில், டாம் கர்ரன், பிராடி ஆகியோர் தலா 1 விக்கெட் வீழ்த்தினர்.