இந்திய அணியில் அஸ்வின் நியாயமாக நடத்தப்படவில்லை - முன்னாள் வீரர் குற்றச்சாட்டு

சென்னை,

இந்திய கிரிக்கெட் அணியின் முன்னணி சுழற்பந்து வீச்சாளரான சென்னையை சேர்ந்த ரவிச்சந்திரன் அஸ்வின் சர்வதேச கிரிக்கெட்டிலிருந்து ஓய்வை அறிவித்துள்ளார். இவர் இந்திய அணிக்காக 106 டெஸ்ட் போட்டிகளில் ஆடி 537 விக்கெட் வீழ்த்தி இருக்கிறார். மேலும் 116 ஒருநாள் போட்டியில் 156 விக்கெட்டும், 65 இருபது ஓவர் போட்டியில் 72 விக்கெட்டும் வீழ்த்தி இருக்கிறார். அவருக்கு ஏராளமான முன்னாள் இந்நாள் வீரர்களும் ரசிகர்களும் வாழ்த்து மழை பொழிந்து வருகின்றனர்.

இந்நிலையில், அஸ்வின் ஓய்வு தொடர்பாக இந்திய முன்னாள் வீரர் பத்ரிநாத் கூறியதாவது ,

"நான் அதிர்ச்சியடைந்தேன். உண்மையைச் சொல்வதானால், அவர் நியாயமாக நடத்தப்படவில்லை என்று நான் நினைக்கிறேன். நான் ஒன்றைச் சொல்கிறேன், தமிழ்நாட்டைச் சேர்ந்த ஒரு கிரிக்கெட் வீரருக்கு இது ஒரு பெரிய விஷயம். அதற்கு பல காரணங்கள் உள்ளன. வேறு சில மாநிலங்களைச் சேர்ந்த வீரர்களுக்கு நல்ல வாய்ப்புகள் கிடைக்கும். இத்தனை முரண்பாடுகள் இருந்தபோதிலும், அஸ்வின் 500 விக்கெட்டுகளுக்கு மேல் வீழ்த்தி ஒரு ஜாம்பவான் ஆனார்.

"அவர் என்ன செய்திருப்பார் என்று கற்பனை செய்து பாருங்கள். அவர் சில விஷயங்களைச் சந்தித்திருக்கிறார் என்று எனக்குத் தெரியும்.என தெரிவித்தார்.