எக்ஸ் தளம் உலகம் முழுவதும் முடங்கியதால் பயனர்கள் அவதி

வாஷிங்டன்,

எலான் மஸ்க்கிற்குச் சொந்தமான சமூக ஊடக தளமான எக்ஸ் (முன்னர் ட்விட்டர்) இன்று உலக அளவில் சிறிது நேரம் முடங்கியதாக செய்திகள் வெளியாகியுள்ளன. இதனால், பயனர்கள் எக்ஸ் தளத்தின் முக்கிய அம்சங்களைப் பயன்படுத்த முடியாதநிலை ஏற்பட்டுள்ளது. இன்று பிற்பகல் 3 மணிக்குப் பின்னர் எக்ஸ் தளம் முடங்கியதாக பயனர்கள் பலரும் தெரிவித்தனர்.

எனினும், எக்ஸ் தளம் தரப்பில் இதுவரை எந்த ஒரு கருத்தும் இது தொடர்பாக தெரிவிக்கப்படவில்லை. பேஸ்புக், வாட்ஸ் அப் உள்ளிட்ட தளங்கள் முடங்கும் போது எல்லாம் உடனடியாக தனது எக்ஸ் பதிவில் கேலி செய்யும் விதமாக பதிவுகளை போட்டு வரும் எலான் மஸ்க் இதற்கு எந்த பதிலையும் சொல்லவில்லையே என நெட்டிசன்கள் பலரும் வினா எழுப்பி வருகிறார்கள்.