இன்றைய முக்கிய செய்திகள் சில வரிகளில்.. 19-12-2024

மயிலாடுதுறை மாவட்டம் திருவெண்காடு பகுதியில் கடந்த 2019ம் ஆண்டு 15 வயது சிறுமியை பாலியல் வன்கொடுமை செய்து கொன்ற வழக்கில் கைதான, கல்யாண சுந்தரம் என்கிற வைரவேல் (35) என்பவருக்கு இரட்டை ஆயுள் தண்டனை விதித்து மாவட்ட அமர்வு நீதிமன்றம் தீர்ப்பு வழங்கி உள்ளது.

மேட்டூர் அனல் மின் நிலைய விபத்தில் 2 பேர் பலி

சேலம் மாவட்டம் மேட்டூர் அனல் மின் நிலையத்தில் ஏற்பட்ட விபத்தில் 2 பேர் உயிரிழந்தனர். விபத்தில் காயமுற்ற 3 பேர் ஏற்கனவே மேட்டூர் அரசு மருத்துவமனையில் சேர்க்கப்பட்டனர். மேட்டூர் 840 மெகாவாட் அனல் மின் நிலையத்தில் நிலக்கரிகளைத்தேக்கும் பங்கர் டேங்க் சரிந்து விபத்துக்குள்ளானதாக தகவல் வெளியாகி உள்ளது. 

சென்னை துறைமுகம் கடற்கரையில் காருடன் கடலில் விழுந்த ஓட்டுநர் முகமது சகி உயிரிழந்தார். கடலுக்குள் மாயமான ஓட்டுநரை நேற்று முதல் தேடி வந்த நிலையில் சடலாமாக கண்டெடுக்கப்பட்டுள்ளார். சென்னை துறைமுகத்தில் காரை ரிவர்ஸ் எடுக்கும்போது நிலைதடுமாறி கடலுக்குள் கவிழ்ந்து விபத்துக்குள்ளானது. கடற்படை வீரரை அழைத்து செல்லும்போது கட்டுப்பாட்டை இழந்து கார் கடலில் கவிழ்ந்தது. கொடுங்கையூரை சேர்ந்த வாடகை கார் ஓட்டுநர் முகமது சகி என்பவர் காருடன் கடலில் மூழ்கினார். கார் கடலில் மூழ்கிய நிலையில் கண்ணாடியை உடைத்து கடற்படை வீரர் வெளியே வந்து தப்பித்தார்.

காஞ்சிபுரத்தில் அமைந்துள்ள அரசு அறிஞர் அண்ணா நினைவு புற்றுநோய் ஆராய்ச்சி நிறுவனத்தை அதிநவீன ஒப்புயர்வு மையமாக தமிழக அரசு தரம் உயர்த்தியுள்ளது

அமித்ஷா பேச்சு குறித்து முன்னாள் அமைச்சர் ஜெயக்குமார் ஏற்கனவே கருத்து தெரிவித்துவிட்டார். அமித்ஷா விவகாரத்தில், ஜெயக்குமார் கூறிய கருத்தே எனது கருத்து என அதிமுக பொதுச்செயலாளர் எடப்பாடி பழனிசாமி கூறினார்.

கர்நாடக சட்டப்பேரவை வளாகத்தில் பாஜக தலைவர் சி.டி.ரவி மீது தாக்குதல் முயற்சி. தரக்குறைவாக பேசிய சி.டி.ரவியை, பெண் மந்திரியின் ஆதரவாளர்கள் சட்டமன்ற வளாகத்திற்குள் தாக்க முயன்றதால் பரபரப்பு ஏற்பட்டது.

மராட்டிய மாநிலம் மும்பையில் காங்கிரஸ் கட்சி அலுவலகத்தை பாஜகவினர் சூறையாடியதாக காங்கிரஸ் குற்றம்சாட்டி உள்ளது. காங்கிரஸ் கட்சிதான் அம்பேத்கரை அவமதித்து விட்டதாக கூறி பாஜகவினர் போராட்டம் நடத்தினர். போராட்டத்தின்போது காங்கிரஸ் அலுவலகத்தை பாஜகவினர் சூறையாடினர். அலுவலகத்தை சூறையாடிய பாஜகவினர் மீது போலீசார் தடியடி நடத்தி விரட்டியடித்தனர். அம்பேத்கர் விவகாரம் தொடர்பாக போராட்டம் நடத்தியபோது காங்கிரஸ் அலுவலகம் சூறையாடப்பட்டதாக காங்கிரஸ் கூறியுள்ளது. 

#WATCH | Maharashtra: BJP workers vandalise the Congress party office in Mumbai. They are protesting against the Congress party and are alleging that the Congress has insulted Baba Saheb Ambedkar.

Police use lathi-charge to disperse them. pic.twitter.com/7NFz0XdVCC

— ANI (@ANI) December 19, 2024

சென்னை, கிண்டி ராஜ்பவனில் உலக செஸ் சாம்பியன்ஷிப் பட்டம் வென்ற குகேஷுக்கு கவர்னர் ஆர்.என்.ரவி பாராட்டு விழா நடத்தினார்.

மேட்டூர் அனல்மின் நிலையத்தில் விபத்து: 2 பேர் மாயம்

சேலம் மாவட்டம் மேட்டூரில் உள்ள அனல்மின் நிலையத்தில் ஏற்பட்ட விபத்தில் 3 பேர் படுகாயம் அடைந்துள்ளனர். 2 பேர் மாயமாகி உள்ளதாக தகவல் வெளியாகி உள்ளது.