சென்னை பாரிமுனையில் பழமையான விடுதி கட்டிடம் இடிந்து விழுந்தது: 3 பேர் காயம்

சென்னை,

சென்னை பாரிமுனையில் பயன்பாட்டில் இல்லாத பல் மருத்துவமனையின் ஆண்களுக்கான விடுதி கட்டிடமாக செயல்பட்டு வந்த, 60 ஆண்டுகள் பழமையான கட்டிடம் திடீரென இடிந்து விழுந்து விபத்துக்குள்ளானது.

இந்த விபத்தில் சாலை ஓரம் நடந்து சென்றவர் உட்பட 3 பேர் காயம் அடைந்துள்ளனர். காயமடைந்தவர்கள் ராஜீவ் காந்தி மருத்துவமனையில் அனுமதிக்கப்பட்டு சிகிச்சை பெற்று வருகின்றனர். இது குறித்து தகவலறிந்து சம்பவ இடத்திற்கு விரைந்து சென்ற 30-க்கு மேற்பட்ட தீயணைப்பு வீரர்கள் கட்டிட இடிபாடுகளை அகற்றி வருகின்றனர்.