பெரியார் நினைவு நாளையொட்டி நன்றி அறிவிப்பு எழுச்சி கூட்டங்கள் - கி.வீரமணி அறிவிப்பு

சென்னை,

திராவிடர் கழக தலைவர் கி.வீரமணி வெளியிட்டுள்ள அறிக்கையில் கூறியிருப்பதாவது:-

சாதி, தீண்டாமை ஒழிந்த மனித சமத்துவமும், சுயமரியாதையும் பூத்துக் குலுங்கிட வைக்கம் வெற்றி விழா தமிழ்நாடு முழுக்க வரும் 24-ந் தேதி (தந்தை பெரியாரின் நினைவு நாள்) முதல் ஒரு வாரம் 100 நன்றி அறிவிப்பு எழுச்சி கூட்டங்களுக்குமேல் நடத்தப்படுகிறது.வைக்கம் சாதி - தீண்டாமை ஒழிப்பு வரலாற்றையும், கருணாநிதி, பெரியார் நினைவு சமத்துவபுரங்கள் நிறுவியதையும், அனைத்து சாதியினரும் அர்ச்சகர் ஆக வேண்டும் என்ற பெரியாரின் நெஞ்சில் தைத்த முள்ளை அகற்றி விட்டு, மகளிர் உள்பட கருவறையில் கடமையாற்ற முதல்-அமைச்சர் மு.க.ஸ்டாலின் செய்துள்ள நூறாண்டு சமூக நீதி வரலாற்றுப் பாடங்களை மக்களுக்கு விளக்கி, மக்கள் பெருந்திரள் கூட்டங்களாக நாடு முழுவதும் நடத்தப்படும்.

டிசம்பர் வைக்கம் உணர்வு எங்கெங்கும் பரவிட, நாடே சமத்துவ, சுயமரியாதை புரங்களாக மாறட்டும், மாற்றிக்காட்டுவோம். இவ்வாறு அவர் கூறியுள்ளார்.