என்ஜினீயர் உள்பட 2 பேர் மீது தாக்குதல்

புதுச்சேரி

புதுவை கோவிந்தசாலை பாரதிபுரம் மெயின்ரோட்டை சேர்ந்தவர் முகிலன் (வயது 30). என்ஜினீயர். சம்பவத்தன்று இவர், தனது நண்பர் நிஷாந்த் என்பவருடன் காமராஜர் சாலையில் நின்று பேசிக்கொண்டிருந்தார். அப்போது அந்த வழியாக ஒரு மோட்டார் சைக்கிளில் சென்ற 3 பேரில் ஒருவர் முகிலனின் தலையில் தட்டினர். இதனால் ஆத்திரம் அடைந்த முகிலனும், நிஷாந்தும் தட்டிக்கேட்டனர்.

பின்னர் அண்ணா சாலை-செட்டித்தெரு சந்திப்பில் உள்ள ஒரு டீக்கடையில் முகிலன், நிஷாந்த் நின்று பேசிக்கொண்டிருந்தார். அப்போது அங்கு வந்த அந்த 3 பேரும் முகிலன், நிஷாந்தை உருட்டுகட்டையால் தாக்கி, தங்களிடம் பிரச்சினை செய்தால் கொலை செய்துவிடுவதாக மிரட்டல் விடுத்து தப்பிச்சென்றனர். இதுகுறித்த புகாரின்பேரில் பெரியகடை போலீசார் வழக்குப்பதிவு செய்து விசாரணை நடத்தி வருகின்றனர்.