ஜார்க்கண்ட் சட்டசபை தேர்தல்: விறுவிறு வாக்குப்பதிவு

ஜார்க்கண்ட் சட்டசபை முதற்கட்ட தேர்தலுக்கான வாக்குப்பதிவு மாலை 6 மணியுடன் நிறைவடைந்தது. இதனையடுத்து, 2-ம் கட்ட வாக்குப்பதிவு வருகிற 20-ந்தேதி நடைபெறும்.

5 மணி நிலவரம்:

ஜார்க்கண்ட் சட்டசபை முதற்கட்ட தேர்தலில் மாலை 5 மணி வரை பதிவான வாக்குப்பதிவு நிலவரம் தற்போது வெளியாகியுள்ளது. அதன்படி, மாலை 5 மணி நிலவரப்படி 64.86 சதவீத வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது.

3 மணி நிலவரம்:

ஜார்க்கண்ட் சட்டசபை முதற்கட்ட தேர்தலில் பிற்பகல் 3 மணி வரை பதிவான வாக்குப்பதிவு நிலவரம் தற்போது வெளியாகியுள்ளது. அதன்படி, பிற்பகல் 3 மணி நிலவரப்படி 59.28 சதவீத வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது.

ஜார்க்கண்ட் சட்டசபை தேர்தல்: ராஞ்சியில் உள்ள வாக்குச்சாவடியில் இந்திய அணியின் முன்னாள் கேப்டன் எம்.எஸ்.தோனி தனது மனைவியுடன் வந்து வாக்களித்தார்.

11 மணி நிலவரம்:

ஜார்க்கண்ட் சட்டசபை முதற்கட்ட தேர்தலில் காலை 11 மணி வரை பதிவான வாக்குப்பதிவு நிலவரம் தற்போது வெளியாகியுள்ளது. அதன்படி, காலை 11 மணி நிலவரப்படி 29.31 சதவீத வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது.

ஜார்க்கண்ட் சட்டசபை தேர்தல்: ராஞ்சியில் உள்ள புனித குல்தீப் உயர்நிலை பள்ளியில் பாஜக எம்.பி தீபக் பிரகாஷ் தனது குடும்பத்துடன் வந்து வாக்களித்தார்.