தொடர்ந்து உயரும் தங்கம் விலை... ரூ.61 ஆயிரத்தை கடந்து விற்பனை


தொடர்ந்து உயரும் தங்கம் விலை... ரூ.61 ஆயிரத்தை கடந்து விற்பனை
x

கோப்புப்படம் 

தினத்தந்தி 31 Jan 2025 4:21 AM (Updated: 31 Jan 2025 4:35 AM)
t-max-icont-min-icon

தங்கம் விலை இன்று அதிரடியாக உயர்ந்து ஒரு சவரன் ரூ.61 ஆயிரத்தை கடந்து விற்பனையாகி வருகிறது.

சென்னை,

தங்கம் விலை கடந்த 22-ந்தேதி ஒரு சவரன் ரூ.60 ஆயிரத்தை தாண்டி வரலாறு காணாத உச்சத்தை பதிவு செய்தது. அதன் பின்னரும் விலை ஏறி வந்த நிலையில், 27-ந்தேதி சற்று குறைந்தது. இந்த நிலையில் நேற்று முன்தினம் தங்கம் விலை சவரனுக்கு ரூ.680 அதிரடியாக உயர்ந்தது. தொடர்ந்து நேற்றும் சவரனுக்கு ரூ.120 உயர்ந்தது.

இந்த நிலையில் இன்று தங்கம் விலை சவரனுக்கு ரூ.960 அதிரடியாக உயர்ந்து ஒரு சவரன் ரூ.61 ஆயிரத்தை கடந்து புதிய உச்சத்தில் விற்பனையாகி வருகிறது. அதன்படி, சென்னையில் 22 கேரட் ஆபரணத் தங்கத்தின் விலை இன்று சவரனுக்கு ரூ.960 உயர்ந்து ரூ.61,840-க்கு விற்பனை செய்யப்படுகிறது. தங்கம் விலை கிராமுக்கு ரூ.120 உயர்ந்து ரூ.7,730-க்கு விற்பனை செய்யப்படுகிறது.

வெள்ளி விலையும் தொடர்ந்து அதிகரித்து வருகிறது. இன்று வெள்ளி கிராமுக்கு ரூ.1 உயர்ந்து ஒரு கிராம் ரூ.107-க்கு விற்பனை செய்யப்படுகிறது.


Next Story