'தேவரா' படத்தின் ஓ.டி.டி ரிலீஸ் தேதி அறிவிப்பு

கொரட்டலா சிவா இயக்கத்தில் ஜூனியர் என்.டி.ஆர் நடிப்பில் உருவான படம் 'தேவரா பாகம்-1''. இதில் ஜான்வி கபூர், சைப் அலிகான், பிரகாஷ் ராஜ், ஸ்ரீகாந்த் உள்ளிட்டோர் முக்கிய கதாபாத்திரங்களில் நடித்தனர். இப்படத்தின் மூலம் ஜான்வி கபூர் தென்னிந்திய திரையுலகில் கதாநாயகியாக கால் பதித்துள்ளார்.

ஜூனியர் என்டிஆரின் 30-வது படமான 'தேவரா பாகம்-1' கடந்த செப்டம்பர் மாதம் 27-ந் தேதி திரையரங்குகளில் வெளியானது. இப்படம் உலகம் முழுவதும் ரூ. 500 கோடிக்கும் மேல் வசூலித்துள்ளதாக அறிவிக்கப்பட்டது. தற்போது இப்படம் வெளியாகி 1 மாதத்திற்கும் மேலாகியுள்ளநிலையில், தேவரா படத்தின் ஓ.டி.டி ரிலீஸ் தேதி அறிவிக்கப்பட்டுள்ளது.

அதன்படி, தமிழ், தெலுங்கு, மலையாளம் மற்றும் கன்னடம் ஆகிய மொழிகளில் வரும் 8-ம் தேதி நெட்பிளிக்ஸ் ஓ.டி.டி தளத்தில் தேவரா படம் வெளியாகும் என்று அறிவிக்கப்பட்டுள்ளது.