'டாய் ஸ்டோரி 5' படம் ரிலீஸ் குறித்த அப்டேட்

கலிபோர்னியா,

'டாய் ஸ்டோரி' என்பது பிக்சர் அனிமேஷன் ஸ்டுடியோவால் உருவாக்கப்பட்ட ஒரு கற்பனை கதையாகும். இந்த படத்தின் கதை, மனிதர்களுக்குத் தெரியாமல் ரகசியமாக வாழும் பொம்மைகளை மையமாகக் கொண்டது. இந்த படத்தின் முதல் பாகம் 1995-ம் ஆண்டு உருவாக்கப்பட்டது. இந்த படம் 5 பாகங்களை கொண்டது.

அந்த வகையில் சமீபத்தில் கலிபோர்னியாவில் நடைபெற்ற டி23 நிகழ்ச்சியின் போது டிஸ்னி மற்றும் பிக்சர் 'டாய் ஸ்டோரி 5' படத்தின் பர்ஸ்ட் லுக் போஸ்டரை வெளியிட்டுள்ளது. இந்த 5-வது பாகத்தினை இயக்குனர் ஆண்ட்ரூ ஸ்டாண்டன் இயக்குகிறார்.

அதன்படி, 'டாய் ஸ்டோரி' திரைப்படத்தின் அசல் படைப்பாளிகளில் ஒருவரும் பிக்சரின் தலைமை அதிகாரியுமான பீட் டாக்டர் 'டாய் ஸ்டோரி 5' படம் குறித்த அப்டேட்டை வெளியிட்டுள்ளார். இந்த 5-வது பாகம் பார்வையாளர்கள் இதுவரை கண்டிராத ஆச்சரியங்களை அளிக்கும் என்றும் உறுதியளித்துள்ளார். மேலும் இந்த படத்தின் ரிலீஸ் குறித்த தகவலும் வெளியாகி உள்ளது. அதன்படி, 'டாய் ஸ்டோரி 5' படம் வருகிற 2026-ம் ஆண்டு கோடைக்காலத்தில் வெளியிட திட்டமிடப்பட்டுள்ளது.