தனுஷ் விவகாரம்: நயன்தாராவிற்கு பிரபல நடிகை ஆதரவு

தமிழ் சினிமா துறையின் முன்னணி நடிகை நயன்தாரா. இவர் தனது சிறுவயது முதல் முன்னணி நடிகையாக உயர்ந்தது வரையான சம்பவங்களின் தொகுப்பு, நயன்தாரா - விக்னேஷ் சிவன் திருமணம் உள்ளிட்டவற்றின் தொகுப்பை 'நயன்தாரா: பியாண்ட் தி பேரி டேல்' என்ற தலைப்பில் ஆவணப்படமாக எடுத்துள்ளார். இந்த ஆவணப்படம் நயன்தாராவின் பிறந்தநாளான வரும் 18ம் தேதி நெட்பிளிக்ஸ் ஓ.டி.டி. தளத்தில் வெளியாக உள்ளது. இந்த ஆவணப்படம் சுமார் 80 கோடி ரூபாய்க்கு விற்பனை செய்யப்பட்டுள்ளதாக தகவல் வெளியாகியுள்ளது.

இந்த ஆவணப்படத்தில் தான் நடித்த ஒவ்வொரு திரைப்படங்களின் சிறு காட்சிகளை நயன்தாரா வைத்துள்ளார். இந்த ஆவணப்படம் தொடர்பான டீசர் சமீபத்தில் ஓ.டி.டி தளத்தில் வெளியானது. அந்த டீசரில் நயன்தாரா நடிப்பில் வெளியான நானும் ரவுடிதான் திரைப்படத்தின் சிறு காட்சி, படப்பிடிப்பு தளத்தில் எடுக்கப்பட்ட காட்சி இடம்பெற்றிருந்தது.

இதனிடையே, நானும் ரவுடிதான் திரைப்படத்தின் காட்சிகள், படப்பிடிப்பு காட்சிகள் ஆவணப்படத்தில் இடம்பெற்றுள்ளதற்கு அப்படத்தின் தயாரிப்பாளரான நடிகர் தனுஷ் எதிர்ப்பு தெரிவித்துள்ளார். இது தொடர்பாக நயன்தாராவுக்கு நடிகர் தனுஷ் நோட்டீஸ் அனுப்பியுள்ளார்.

ஆவணப்படத்தின் டிரெய்லரில் பயன்படுத்தப்பட்டிருக்கும் 3 விநாடி வீடியோவுக்கு எதிராக நானும் ரவுடிதான் படத்தின் தயாரிப்பாளர் என்ற முறையில் நடிகர் தனுஷ் ரூ. 10 கோடி ரூபாய் இழப்பீடு கேட்டு நோட்டீஸ் அனுப்பியுள்ளார். அதேவேளை, தன்மீதுள்ள தனிப்பட்ட வெறுப்பால் நடிகர் தனுஷ் பழிவாங்குகிறார் என்று நடிகை நயன்தாரா பரபரப்பு குற்றச்சாட்டு முன்வைத்துள்ளார்.

இந்தநிலையில் 'நானும் ரவுடி தான்' படத்தின் காட்சிகளை பயன்படுத்த அனுமதிக்கவில்லை என்று நடிகர் தனுஷுக்கு நயன்தாரா எழுதிய பகிரங்க கடிதத்திற்கு நடிகை பார்வதி திருவொத்து தனது ஆதரவைக் தெரிவித்துள்ளார். அவரது வரவிருக்கும் நெட்பிக்ஸ் திருமண ஆவணப்படத்தில். நயன்தாராவின் பதிவை "சல்யூட்" எமோஜியுடன் மறுபகிர்வு செய்த பார்வதி திருவொத்து தனது இன்ஸ்டாகிராம் பக்கத்தில் பகிர்ந்துள்ளார்.