நடப்பு பட்ஜெட்டில் உற்பத்தி, வேலைவாய்ப்பு, சமூக நீதி, நகரப்புற வளர்ச்சி, எரிசக்தி பாதுகாப்பு, உட்கட்டமைப்பு, சீர்திருத்தங்களுக்கு முக்கியத்துவம் அளிக்கப்படுகிறது - நிதி மந்திரி நிர்மலா சீதாராமன்
இந்திய பொருளாதாரம் வளர்கிறது - நிதி மந்திரி நிர்மலா சீதாராமன்
இந்திய பொருளாதாரம் தொடர்ந்து வளர்ந்துகொண்டிருக்கிறது. நாட்டின் பணவீக்கம் தொடர்ந்து நிலைத்தன்மையுடனும், 4 சதவீதம் என்ற இலக்கை நோக்கியும் பயணிக்கிறது. கல்வி, வேலைவாய்ப்பு, திறன் வளர்ச்சிக்கு நடப்பு பட்ஜெட்டில் 1.48 லட்சம் கோடி ரூபாய் ஒதுக்கப்படுகிறது என்று நிதி மந்திரி நிர்மலா சீதாராமன் கூறினார்.
சர்வதேச பொருளாதாரம் தொடர்ந்து கொள்கை நிலைத்தன்மையின்றி உள்ளது - நிதி மந்திரி நிர்மலா சீதாராமன்
பா.ஜ.க.வின் கொள்கைகள் மீது நம்பிக்கை வைத்து வாக்களித்ததற்காக மக்களுக்கு நன்றி; மத்திய நிதி மந்திரி நிர்மலா சீதாராமன் தொடக்க உரை
பிரதமர் மோடி தலைமையிலான அரசு மீது இந்திய மக்கள் வைத்துள்ள நம்பிக்கையால் 3வது முறையாக மீண்டும் ஆட்சியமைத்துள்ளோம் - நிர்மலா சீதாராமன்
நாடாளுமன்றத்தில் மத்திய பட்ஜெட் 2024-ஐ தாக்கல் செய்த மத்திய நிதி மந்திரி நிர்மலா சீதாராமன், பா.ஜ.க. 3-வது முறையாக ஆட்சியமைக்கும் வகையில், எங்களுடைய கொள்கைகள் மீது நம்பிக்கை வைத்து வாக்களித்ததற்காக மக்களுக்கு நன்றி தெரிவித்து கொள்கிறேன் என்றார்.
நாடாளுமன்றத்தில் மத்திய பட்ஜெட்டை தாக்கல் செய்தார் நிதி மந்திரி நிர்மலா சீதாராமன்
2024-25ம் நிதியாண்டிற்கான மத்திய பட்ஜெட்டை நிதி மந்திரி நிர்மலா சீதாராமன் தாக்கல் செய்தார். பட்ஜெட்டில் இடம்பெற்றுள்ள அம்சங்களை அவர் வாசித்து வருகிறார்.
சஞ்சய் சிங் மற்றும் ராகவ் சத்தா உள்ளிட்ட ஆம் ஆத்மி கட்சியின் எம்.பி.க்கள், மத்திய அமைப்புகளை தவறாக பயன்படுத்துகின்றனர் என்ற குற்றச்சாட்டை எழுப்பி, நாடாளுமன்ற வளாகத்தில் ஆர்ப்பாட்டத்தில் ஈடுபட்டு வருகின்றனர்.
பிரதமர் மோடியின் 3-வது பதவி காலத்தில் தாக்கல் செய்யப்படும் முதல் பட்ஜெட்டை முன்னிட்டு, மத்திய பட்ஜெட் 2024-க்கான நகல்கள் நாடாளுமன்றத்திற்கு வந்தடைந்து உள்ளன.