இத்தாலி ஓபன் டென்னிஸ்: நம்பர் 1 வீரர் ஜோகோவிச் அதிர்ச்சி தோல்வி

ரோம்,

பல முன்னணி வீரர்கள் மற்றும் வீராங்கனைகள் பங்கேற்றுள்ள களிமண் தரை போட்டியான இத்தாலி ஓபன் சர்வதேச டென்னிஸ் தொடர் ரோமில் நடந்து வருகிறது. இதில் நேற்று நடந்த ஆண்கள் ஒற்றையர் பிரிவின் 3-வது சுற்று ஆட்டம் ஒன்றில் 'நம்பர் ஒன்' வீரரான ஜோகோவிச் ( செர்பியா), அலெஜான்ட்ரோ டேபிலோ (சிலி) உடன் பலப்பரீட்சை நடத்தினார்.

இந்த ஆட்டத்தில் யாரும் எதிர்பாரத விதமாக ஜோகோவிச்சுக்கு எதிராக முழு ஆதிக்கம் செலுத்திய டேபிலோ 6-2 6-3 என்ற நேர் செட் கணக்கில் வெற்றி பெற்று ஜோகோவிச்சிற்கு அதிர்ச்சி அளித்தார். இதன் மூலம் ஜோகோவிச் இந்த தொடரிலிருந்து வெளியேறினார்.