உலகக் கோப்பை ஸ்னூக்கர் போட்டி: இந்திய வீராங்கனை அனுபமா தங்கப்பதக்கம் வென்றார்

சென்னை,

உலகக் கோப்பை பெண்கள் ஸ்னூக்கர் போட்டி தாய்லாந்தின் தலைநகர் பாங்காக்கில் நடந்து வருகிறது. இதில் நேற்று நடந்த 21 வயதுக்கு உட்பட்ட பெண்கள் ஒற்றையர் பிரிவில் இறுதிப்போட்டியில் இந்திய வீராங்கனை அனுபமா 3-2 என்ற கணக்கில் தாய்லாந்து வீராங்கனை பிளாய்சோம்பூ லோகிபாங்கை தோற்கடித்து தங்கப்பதக்கத்தை தனதாக்கினார்.

சென்னையை சேர்ந்த அனுபமா வென்ற 2-வது தங்கப்பதக்கம் இதுவாகும். ஏற்கனவே அவர் அணிகள் பிரிவில் மத்தியபிரதேசத்தின் அமீ காமினியுடன் இணைந்து தங்கப்பதக்கம் வென்று இருந்தார்.