ஐ.பி.எல்.: ரோகித், மேக்ஸ்வெல்லை முந்தி மோசமான சாதனை பட்டியலில் முதலிடம் பிடித்த தினேஷ் கார்த்திக்

பெங்களூரு,

ஐ.பி.எல். தொடரில் இன்று நடைபெற்று வரும் ஆட்டத்தில் ராயல் சேலஞ்சர்ஸ் பெங்களூரு - டெல்லி கேப்பிடல்ஸ் அணிகள் விளையாடி வருகின்றன. இந்த ஆட்டத்தில் டாஸ் வென்ற டெல்லி அணியின் பொறுப்பு கேப்டன் அக்சர் படேல் பந்துவீச்சை தேர்வு செய்தார்.

அதன்படி முதலில் பேட்டிங் செய்த பெங்களூரு அணி ரஜத் படிதாரின் அரை சதத்தின் உதவியுடன் 9 விக்கெட்டுகளை இழந்து 187 ரன்கள் குவித்தது. இதனையடுத்து 188 ரன்கள் அடித்தால் வெற்றி என்ற இலக்கை நோக்கி டெல்லி பேட்டிங் செய்து வருகிறது.

முன்னதாக இந்த போட்டியில் பெங்களூரு தரப்பில் பேட்டிங் செய்ய களமிறங்கிய தினேஷ் கார்த்திக் டக் அவுட் ஆகி ஏமாற்றம் அளித்தார். இதன் மூலம் ஐ.பி.எல். வரலாற்றில் அதிக முறை டக் அவுட் ஆன வீரர்கள் என்ற மோசமான சாதனை பட்டியலில் ரோகித், மேக்ஸ்வெல் ஆகியோரை முந்தி முதலிடம் பிடித்துள்ளார்.

அந்த பட்டியல்:-

1. தினேஷ் கார்த்திக் - 18 முறை

2. மேக்ஸ்வெல்/ரோகித் சர்மா - 17 முறை

3. சுனில் நரைன்/சாவ்லா - 16 முறை.