கட்டுமானத் தொழிலில் புதுமையான பொருட்கள்

கான்கிரீட்டின் ஆயுளை நீட்டிக்க, பாக்டீரியா வித்துக்களை உட்செலுத்துவதன் மூலம் தண்ணீர் வெளியேறும்போது ஏற்படும் விரிசல்கள் தடுக்கப்படுகிறது.

ஃபைபர் ரீஇன்ஃபோர்ஸ்டு பாலிமர்:-

இவ்வகை பாலிமர் (எஃப்ஆர்பி) மற்றும் அலுமினியம் இரண்டும் புதுமையான ரீபார் மாற்றுகளாகும், இவை பாரம்பரிய எஃகுடன் ஒப்பிடுகையில் அரிப்பை ஏற்படுத்தாதவை மற்றும் எடை குறைந்தவை.

நானோ தொழில்நுட்பம்:-

இது சிவில் இன்ஜினியரிங் மற்றும் கட்டுமானப் பொருட்கள் உட்பட பல துறைகளை உள்ளடக்கிய ஒன்றாகும். நானோ தொழில்நுட்பம் என்பது பொருட்களின் மிகச் சிறிய துகள்களைப் பயன்படுத்துவதாகும். ஒரு நானோமீட்டர் என்பது ஒரு மீட்டரில் பில்லியனில் ஒரு பங்கு. நானோ சிலிக்கா புகை சேர்க்கப்படுவது கான்கிரீட் கட்டமைப்புகளின் ஆயுளை மேம்படுத்துகிறது.

நானோ தொழில்நுட்பமானது கட்டுமானத் துறையில் உருவாகும் போது கண்ணாடி மற்றும் ஜன்னல்களை ஸ்மார்ட் ஜன்னல்கள் என்கின்றனர். இவற்றின் ஆற்றல் திறன்களான எளிதாக சுத்தம் செய்தல், புற ஊதா கட்டுப்பாடு, ஒளிமின்னழுத்த திறன் அனுசரிப்பு, வெளிப்படைத்தன்மை மற்றும் வெப்ப பரிமாற்ற பண்புகள் போன்றவை இந்த ஸ்மார்ட் ஜன்னல்கள் மூலம் செயற்கை விளக்குகள் மற்றும் ஏர் கண்டிஷனிங் தேவையையும் குறைக்கிறது.

நானோ துகள்கள்:-

இவை இயற்கை பொருட்களின் பயன்பாட்டையும் குறைப்பதுடன் குறைந்த இடத்தை ஆக்கிரமித்து அதிக வலுவான பொருட்களை உருவாக்குகின்றன. அவை கட்டுமானத் திட்டங்களை மேற்கொள்வதற்கான விரைவான மற்றும் பாதுகாப்பான வழியாகும். நானோ-சிலிக்கா, நானோ-டைட்டானியம், கார்பன் நானோகுழாய்கள் மற்றும் கிராபெனின் ஆக்சைடு ஆகியவை கான்கிரீட்டில் உள்ள நானோ துகள்களின் எடுத்துக்காட்டுகளாகும்.

TiO2:-

Ti02 என்பது ஒரு சிறந்த பிரதிபலிப்பு பூச்சாகப் பயன்படுத்தக்கூடிய ஒரு வெள்ளை நிறம் கொண்ட ஹைட்ரோஃபிலிக் பொருள் ஆகும். எனவே அது பயன்படுத்தப்படும் மேற்பரப்புகளுக்கு தானாகவே சுத்தப்படுத்தும் பண்புகளை அளிக்கிறது.

ஏர்ஜெல்:-

ஏர்ஜெல் என்பது மிகக் குறைந்த அடர்த்தி கொண்ட திடப்பொருளாகும். இது அதன் எடையை விட 2000 மடங்கு அதிக சுமை வரை தாங்குகிறது. இது மிகக் குறைந்த வெப்ப கடத்துத்திறன் கொண்டது. கட்டிடங்களின் வெப்ப இழப்பைக் கட்டுப்படுத்த மிகவும் பொருத்தமானது. அதன் உருகும் வெப்பநிலை 1200oC ஆகும்.

அலுஷன்பேனல்கள்:-

இவ்வகை கட்டுமான பொருள்கள் நிலைப்படுத்தப்பட்ட அலுமினிய நுரையால் செய்யப்பட்ட உறைப்பூச்சு வடிவமாகும், இது உலோக கடற்பாசிகளை ஒத்த திடமான மற்றும் ஒளி பேனல்களால் உருவாக்கப்பட்டது. அலுஷன் பேனல்கள்' ஒலிப்புகாப்பு, நீடித்து நிலைப்பு, தீ தடுப்பு மற்றும் சுவர் பேனல்கள், முகப்புகள், கூரைகள், தரையமைப்புகள், மற்றும் ஒளி சாதனங்களுக்குப் பயன்படுத்தப்படுகின்றன. அவை கட்டுமானம் மற்றும் கட்டிடக்கலையிலும் வரம்பற்ற பயன்பாடுகளைக் கொண்டுள்ளன.

மரகண்ணாடி :- மரம் கட்டிடக்கலை முகப்பு மற்றும் வேறு சில துறைகளில் பரவலாக பயன்படுத்தப்படுகிறது. கண்ணாடி மற்றும் மரத்தின் பண்புகளை கோட்பாட்டளவில் இணைத்து, பொறியியல் மற்றும் கட்டிடக்கலை துறையில் ஒரு மாற்றத்தை ஏற்படுத்தப்பட்டுள்ளது. மரத்திலிருந்து லிக்னினை அகற்றி, அதை செயற்கை பாலிமருடன் மாற்றுவதற்கான வழியை ஆராய்ச்சியாளர்கள் கண்டுபிடித்துள்ளனர், அதாவது 1 மிமீ தடிமன் கொண்ட ஒரு துண்டு 85 சதவீதம் வலிமையானதாகவுள்ளது. மரத்தை வெளிப்படையானதாக(ட்ரான்ஸ்பரன்ட்) மாற்றுவதன் மூலம் கண்ணாடியை விட சிறந்த வெப்ப பண்புகளை அடைய முடியும்.

மூங்கில்:

இது ஒரு வலுவான, இலகுரக பொருளாகும், இது ஆசியா முழுவதும் பாரம்பரிய கட்டுமானத்தில் நீண்ட காலமாக பயன்படுத்தப்படுகிறது. சாரக்கட்டுதல், பாலங்கள் மற்றும் வீடுகளின் கட்டுமானத்தில். மூங்கிலுக்கு முக்கிய பங்கு உள்ளது.

ஹைட்ரோ செராமிக்:-

இவ்வகை சுவர் வெப்பநிலையைக் குறைத்து ஈரப்பதத்தை அதிகரித்து குளிரூட்டும் சாதனமாக செயல்படுகிறது. வெளிப்புற வெப்பம் அதிகரித்து குளிர்ந்த காற்றை கட்டிடத்திற்குள் செலுத்துவதால் நீர் ஆவியாகும். இதனால் சுவர்கள் அறை வெப்பநிலையை 5 டிகிரி செல்சியஸ் வரை குறைக்கிறது. இது வெப்பமான, வறண்ட காலநிலையில் ஈரப்பதத்தை 15% அதிகரிக்கிறது.

ஏரோகிராஃபைட்:-

ஏரோ கிராஃபைட் என்பது சிறிய வெற்று கார்பன் குழாய்களின் வலையமைப்பிலிருந்து தயாரிக்கப்படும் ஒரு பொருள். ஏரோகிராஃபைட் வலிமையானதும் வளைக்கக்கூடியதும் மற்றும் ஒளி கதிர்களை உறிஞ்சும். இது அதிர்வுகளைத் தாங்குவதுடன் மின்சார கடத்தியாகவும் உள்ளது. சுத்திகரிப்பு அமைப்புகள், விமானப் பொருட்கள் மற்றும் செயற்கைக்கோள்களை உருவாக்குவதிலும் பயன்படுத்தப்படும் இது கட்டுமானத்திலும் பயன்படுத்தப்படுகிறது.

ஒளி உருவாக்கும் சிமெண்ட்:-

இது சூரிய ஒளியில் ஒளியை உறிஞ்சி இருளில் ஒளியை வெளியிடும் தன்மை கொண்டது. இதன் வண்ணங்கள் நீலம் மற்றும் பச்சை நிறத்தில் உள்ளன. இவ்வகைகள் சாலைகள், நீச்சல் குளங்கள் வாகனம் நிறுத்தும் இடங்களில் உபயோகப்படுத்தப்படுகிறது.

பயோசார்:-

இது கரி போன்றும் மற்றும் ஆக்ஸிஜன் இல்லாமல் அதிக வெப்பநிலையில் கரிமப் பொருட்களை சிதைப்பதில் இருந்து தயாரிக்கப்படுகிறது. நீர் உறிஞ்சுதலை மேம்படுத்துக்கிறது. பயோசார் ஒரு நல்ல கட்டுமானப் பொருளாகும். இது மீத்தேன் உமிழ்வை 11% குறைக்கும் . செங்கற்களில் பயோசார் சேர்ப்பதால் கான்கிரீட்டில் பயன்படுத்தப்படும் சிமெண்ட் அளவு மற்றும் கான்கிரீட்டில் உருவாகும் ஒட்டுமொத்த கார்பன் டை ஆக்சைடு குறைகிறது. செங்கற்கள் தயாரிக்கவும், உலகளாவிய பிளாஸ்டிக் கழிவுகளின் அளவைக் குறைக்கவும் பிளாஸ்டிக்குடன் பயோசார் பயன்படுத்தப்படுகிறது.

மின் உற்பத்தி செய்யும் கண்ணாடி:-

இவ்வகை கண்ணாடிகளை ஜன்னல்களில் உபயோகித்து சோலார் பேனல்களாக மாற்றுகிறார்கள். இந்த கண்ணாடி மின்சார செலவைக் குறைப்பதுடன் மாசுபாட்டைக் கட்டுப்படுத்துகிறது.