வாரம் ஒரு திருமந்திரம்

அந்த திருமந்திர நூலில் இருந்து வாரம் ஒரு பாடலையும், அதற்கான விளக்கத்தையும் பார்த்து வருகிறோம். இந்த வாரமும் ஒரு பாடலையும், அதற்கான விளக்கத்தையும் பார்ப்போம்.

பாடல்:-

ஆர்க்கும் இடுமின்; அவர்இவர் என்னன்மின்

பார்த்திருந்து உண்மின்; பழம்பொருள் போற்றன்மின்

வேட்கை உடையீர் விரைந்து ஒல்லை உண்ணன்மின்

காக்கை கரைந்துண்ணும் காலம் அறிமினே.

விளக்கம்:-

யாராக இருந்தாலும் அவர்களுக்கு வேண்டிய உணவு முதலிய பொருளை அளியுங்கள். வேண்டியவர், வேண்டாதவர் என்று எண்ணாதீர்கள். உண்ணும் விருப்பம் கொண்ட நீங்கள் எதனையும் விரைவாக உண்ணாதீர்கள். காக்கை தன் இனமான மற்ற காக்கைகளையும் அழைத்துக் கூடி உண்ணும் நிலையை அறிந்திடுங்கள்.