முருகன் கோவில்களில் சூரசம்ஹாரம்

திருப்பத்தூர் டவுன் தண்டபாணி கோவில், பசலிகுட்டை முருகன் கோவில், ஜலகாம்பாறை வெற்றிவேல் முருகன் கோவில் மற்றும் திருப்பத்தூர் பகுதிகளில் உள்ள பல்வேறு முருகன் கோவில்களில் கடந்த 23-ந்் தேதி கந்த சஷ்டி திருவிழா தொடங்கியது. இதையொட்டி தினமும் சாமிக்கு சிறப்பு அபிஷேகம் மற்றும் பூஜைகள் செய்யப்பட்டன. விழாவின் சிறப்பு நிகழ்ச்சியாக சூரசம்ஹாரம் நேற்று மாலை நடைபெற்றது. இதையொட்டி தண்டபாணி கோவிலில் முருகருக்கு பால், பன்னீர், தயிர், மஞ்சள், சந்தனம், விபூதி உள்ளிட்ட பல்வேறு பொருட்களால் அபிஷேகம் மற்றும் சிறப்பு பூஜைகள் நடைபெற்றது.

தொடர்ந்து முருகன் அலங்கரிக்கப்பட்டு பக்தர்களுக்கு காட்சியளித்தார். அதனை தொடர்ந்து மாலையில் சூரனை முருகன் வதம் செய்யும் நிகழ்ச்சி நடைபெற்றது. இந்த நிகழ்ச்சியில் திரளான பக்தர்கள் கலந்து கொண்டனர். பின்னர் அன்னதானம் நடைபெற்றது. சூரசம்ஹாரம் நிகழ்ச்சியையொட்டி பலத்த போலீஸ் பாதுகாப்பு ஏற்பாடு செய்யப்பட்டிருந்தது.