பெரியநாயகி அம்மன் கோவிலில் சிறப்பு பூஜை

திட்டச்சேரி:

திருமருகல் ஒன்றியம் கட்டுமாவடி ஊராட்சி கோதண்டராஜபுரத்தில் பெரியநாயகி அம்மன், பெத்தார்ண சாமி கோவில் உள்ளது.இந்த கோவில் குடமுழுக்கு முடிந்து 48 நாட்கள் மண்டல பூஜைகள் நடத்தப்பட்டது.இதையடுத்து மண்டல பூஜை நிறைவு நாளை முன்னிட்டு சிறப்பு பூஜை நடந்தது. இதையொட்டி பெரியநாயகி அம்மன், பெத்தார்ண சாமிக்கு 16 வகையான பொருட்களால் அபிஷேகம், அலங்காரம் செய்யப்பட்டு தீபாராதனை காண்பிக்கப்பட்டது.இதில் ஏராளமான பக்தர்கள் கலந்து கொண்டு சாமி தரிசனம் செய்தனர்.பின்னர் பொதுமக்களுக்கு அன்னதானம் வழங்கப்பட்டது.இதற்கான ஏற்பாடுகளை கிராம மக்கள் செய்திருந்தனர்.