கோவில் அர்ச்சகர்களுக்கு புத்தாடை

கும்பகோணம் ஆதிகும்பேஸ்வர சாமி கோவில் வளாகத்தில் இந்துசமய அறநிலையத்துறை சார்பில் கோவில் அர்ச்சகர்கள் மற்றும் பணியாளர்களுக்கு புத்தாடைகள், சீருடைகள் வழங்கும் விழா நடைபெற்றது. விழாவுக்கு மாநகராட்சி துணைமேயர் தமிழழகன் தலைமை தாங்கினார். இந்துசமய அறநிலையத்துறை உதவி ஆணையர்கள் சாந்தா, உமாதேவி ஆகியோர் முன்னிலை வகித்தனர். கல்யாணசுந்தரம் எம்.பி. கலந்து கொண்டு அர்ச்சகர்கள் மற்றும் பணியாளர்களுக்கு புத்தாடைகள், சீருடைகள் வழங்கி பேசினார். நிகழ்ச்சியில் பொதுசுகாதாரக்குழு தலைவர் தெட்சிணாமூர்த்தி மற்றும் கோவில் செயல் அலுவலர்கள் கணேஷ்குமார், சிவசங்கரி, ஆறுமுகம் உள்பட பலர் கலந்து கொண்டனர். முடிவில் இந்துசமய அறநிலையத்துறை உதவி ஆணையர் அலுவலக தலைமை எழுத்தர் ராஜகுரு நன்றி கூறினார். இதற்கான ஏற்பாடுகளை ஆதிகும்பேஸ்வரர் கோவில் செயல் அலுவலர் கிருஷ்ணகுமார் மற்றும் பணியாளர்கள் செய்திருந்தனர்.