சேலம் மாவட்ட ஓய்வு பெற்ற அரசு ஊழியர் சங்கம் சார்பில் கலெக்டர் அலுவலகம் முன்பு ஆர்ப்பாட்டம் நடந்தது. சங்க மாவட்ட துணைத்தலைவர் செல்லத்துரை தலைமை தாங்கினார். மாவட்ட செயலாளர் தேசிகன் கோரிக்கைகள் குறித்து பேசினார். இதில் 7-வது ஊதியக் குழு பரிந்துரைப்படி 21 மாத நிலுவைத்தொகை வழங்க வேண்டும். பழைய ஓய்வூதிய திட்டத்தை அமல்படுத்த வேண்டும். 70 வயது கடந்தவர்களுக்கு கூடுதல் ஓய்வூதியம் வழங்க வேண்டும் என்பது உள்ளிட்ட பல்வேறு கோரிக்கைகள் வலியுறுத்தப்பட்டன.