சிறுமியை கர்ப்பிணியாக்கிய லாரி டிரைவர் போக்சோவில் கைது

சிறுமியை கர்ப்பிணியாக்கிய லாரி டிரைவர் போக்சோவில் கைது செய்யப்பட்டார்.

திருவண்ணாமலையை அடுத்த நாறையூர் கிராமத்தை சேர்ந்தவர் சசிகுமார் (வயது 29), லாரி டிரைவர். இவர் 16 வயது சிறுமியுடன் பழகி ஆசைவார்த்தை கூறி அவருடன் உல்லாசமாக இருந்துள்ளார்.

சிறுமி உடல் நலம் பாதிக்கப்பட்டதால் சிகிச்சைக்காக திருவண்ணாமலை அரசு மருத்துவக்கல்லூரி மருத்துவமனைக்கு பெற்றோர் அழைத்து சென்று உள்ளனர். அங்கு சிகிச்சை அளிப்பதற்காக டாக்டர்கள் பரிசோதனை செய்ததில் சிறுமி கர்ப்பமாக இருப்பது தெரியவந்தது.

இது குறித்து சிறுமி அளித்த வாக்குமூலத்தின் அடிப்படையில் லாரி டிரைவர் சசிகுமாரை அனைத்து மகளிர் போலீசார் போக்சோ சட்டத்தில் கைது செய்து சிறையில் அடைத்தனர்.