#லைவ் அப்டேட்ஸ்: பதற்றம்... கோஷம்... பாதியில் வெளியேற்றம்...? அ.தி.மு.க பொதுக்குழு வெற்றியா...! தோல்வியா...! - முழு விவரம்

அதிமுக பொதுக்குழு நடைபெறும் மண்டபத்துக்குள் ஓ.பன்னீர்செல்வம் வரும்போது எடப்பாடி ஆதரவாளர்கள் ஒற்றைத் தலைமை வேண்டும் என முழக்கம்

எடப்பாடி பழனிசாமி தரப்பு ஆதரவாளர்களின் முழக்கத்தால் அரங்கத்தில் பரபரப்பு ஏற்பட்டுள்ளது.

வானகரத்தில் நடைபெறும் பொதுக்குழு கூட்டத்தில் அதிமுக ஒருங்கிணைப்பாளர் ஓ.பன்னீர்செல்வம் பங்கேற்றுள்ளார்.

சற்றுநேரத்தில் கூடுகிறது அதிமுக பொதுக்குழு கூட்டம்

ஓ.பன்னீர்செல்வம், எடப்பாடி பழனிசாமி ஆகியோரின் ஆதரவாளர்கள் மாறி மாறி போட்டா போட்டியிட்டு முழக்கமிட்டு வருகின்றனர்.

அதிமுக பொதுக்குழு நடைபெறும் வானகரம் பகுதிக்கு வந்தார் கட்சியின் ஒருங்கிணைப்பாளர் ஓ.பன்னீர்செல்வம்

ஓ.பன்னீர்செல்வத்துக்கு தொண்டர்கள் உற்சாக வரவேற்பு அளித்தனர்.

வாகன நெரிசலில் அ.தி.மு.க. ஒருங்கிணைப்பாளர் ஓ.பன்னீர்செல்வத்தின் வாகனம் சிக்கி தவித்து வருகிறது.

போக்குவரத்து நெரிசலால் ஓ.பன்னீர்செல்வத்தின் வாகனம் திருமங்கலம் வழியே செல்ல திட்டமிடப்பட்டுள்ளதாக தகவல் வெளியாகி உள்ளது.

ஒ. பன்னிர் செல்வம், எடப்பாடி பழனிசாமி ஆகிய இருவரது வாகனங்களும் தற்போது ஒன்றாக பூந்தமல்லி நெடுஞ்சாலையில் பயணம் செய்து வருகிறது.

எடப்பாடி பழனிசாமிக்கு தொண்டர்கள் உற்சாக வரவேற்பு அளித்து வருகின்றனர்.

மறுபுறம் ஆரவாரமின்றி அமைதியாக ஓ.பன்னீர்செல்வத்தின் வாகனம் வந்து கொண்டிருக்கிறது.

* ஒற்றைத்தலைமை விவகாரம் மேல்முறையீடு செய்யப்படும்

* ஒற்றைத்தலைமை வேண்டும் என்பதில் உறுதி 

* ஒற்றைத்தலைமை எடப்பாடி பழனிசாமி என்பதில் சந்தேகமில்லை - தென்சென்னை மாவட்டச் செயலாளர் வேளச்சேரி அசோக்

அதிமுக ஒருங்கிணைப்பாளர் ஒ. பன்னிர் செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் பொதுக்குழு நடைபெறும் வானகரத்திற்கு வருகை தருகின்றனர்.