நடிகர் சத்யராஜின் தாயார் மறைவு: முதல்-அமைச்சர் மு.க.ஸ்டாலின் இரங்கல்

சென்னை,

நடிகர் சத்யராஜின் தாயார் நாதாம்பாள் காளிங்கராயர் மறைவுக்கு தமிழ்நாடு முதல்-அமைச்சர் மு.க.ஸ்டாலின் இரங்கல் தெரிவித்துள்ளார். இது தொடர்பாக வெளியிட்டுள்ள இரங்கல் செய்தியில், "நடிகர் சத்யராஜின் தாயார் நாதாம்பாள் காளிங்கராயர் வயது மூப்பின் காரணமாக இன்று (11-08-2023) மாலை இயற்கை எய்தினார் என்று அறிந்து வருந்துகிறேன்.

அரவணைத்து ஆளாக்கிய அன்னையை இழந்து தவிக்கும் சத்யராஜ்-க்கும் அவரது குடும்பத்தினருக்கும் எனது ஆழ்ந்த இரங்கலையும் ஆறுதலையும் தெரிவித்துக் கொள்கிறேன்" என்று கூறியுள்ளார்.