நல்லம்பள்ளி:

தொப்பூர் அருகே கம்மம்பட்டி கஸ்தூரிகோம்பை வனப்பகுதியில் உள்ள அனுமன் கோவில் பகுதியில் முட்புதரில் 3 நாட்டுத்துப்பாக்கிகள் கேட்பாரற்று கிடந்தது. இதுகுறித்து அந்த வழியாக சென்ற பொதுமக்கள் தொப்பூர் போலீசாருக்கு தகவல் தெரிவித்தனர். அதன்பேரில் போலீசார் விரைந்து சென்று 3 நாட்டுத்துப்பாக்கிகளையும் மீட்டனர். இதுகுறித்து கம்மம்பட்டி கிராம நிர்வாக அலுவலர் செந்தில்குமார் கொடுத்த புகாரின் பேரில் போலீசார் வழக்குப்பதிவு செய்து துப்பாக்கிகளை முட்புதரில் போட்டு சென்றவர்கள் குறித்து விசாரணை நடத்தி வருகின்றனர்.