ராசிபுரம் திருவள்ளுவர் அரசு கலைக்கல்லூரியில்தமிழ் மன்ற விழா

ராசிபுரம்:

ராசிபுரம் திருவள்ளுவர் அரசு கலைக்கல்லூரியில் தமிழாய்வு துறை சார்பில் தமிழ் மன்ற விழா திருவள்ளுவர் அரங்கில் நடந்தது. அரசியல் சார் அறிவியல் துறை தலைவர் சிவகுமார் தலைமை தாங்கினார். தமிழ் துறை தலைவர் கலைச்செல்வி வரவேற்றார். சிறப்பு விருந்தினராக பாடல் ஆசிரியர் அறிவுமதி கலந்து கொண்டார். சிறப்பு விருந்தினரை தமிழ் துறை உதவி பேராசிரியர் ரம்யா மகேஸ்வரி அறிமுகம் செய்தார்.

இதையடுத்து சிறப்பு விருந்தினர் பேசுகையில், பெண்கள் எழுத்தறிவு பெற வேண்டும். உயிர் நேய சிந்தனை மாணவர்களுக்கு அவசியம் வேண்டும் என்று பேசினார். விழாவில் துறை பேராசிரியர்கள், தமிழ் துறை உதவி பேராசிரியர்கள், கவுரவ விரிவுரையாளர்கள், மாணவ, மாணவிகள் கலந்து கொண்டனர். நிகழ்ச்சிகளை தமிழ்துறை உதவி பேராசிரியர் ரேணுகாதேவி தொகுத்து வழங்கினார். முடிவில் தமிழ் துறை கவுரவ விரிவுரையாளர் தீப பிரியா நன்றி கூறினார்.