வண்டலூரில் ரெயில் முன் பாய்ந்து முதியவர் தற்கொலை

செங்கல்பட்டு மாவட்டம், வண்டலூர் ரெயில் நிலையம் அருகே தண்டவாளத்தில் ஒரு முதியவர் அடிபட்டு இறந்து கிடப்பதாக தாம்பரம் ரெயில்வே போலீசாருக்கு தகவல் கிடைத்தது. இதனையடுத்து உடனடியாக சம்பவ இடத்திற்கு விரைந்து சென்ற தாம்பரம் ரெயில்வே போலீசார் தண்டவாளத்தில் இறந்து கிடந்த முதியவரின் உடலை கைப்பற்றி பிராத பரிசோதனைக்காக குரோம்பேட்டை அரசு ஆஸ்பத்திரிக்கு அனுப்பி வைத்தனர்.

பின்னர் இதுகுறித்து தாம்பரம் ரெயில்வே போலீசார் வழக்குப்பதிவு செய்து விசாரித்தபோது முதற்கட்ட விசாரணையில் வண்டலூர் ஊராட்சிக்குப்பட்ட ஒட்டேரி விரிவு பகுதி சேர்ந்த குமார் (வயது 66), என்பதும், இவருக்கு உடல்நிலை சரியில்லாத காரணத்தினால் மனஉளைச்சலில் நேற்று மின்சார ரெயில் முன் பாய்ந்து தற்கொலை செய்து கொண்டது தெரியவந்தது. இதுகுறித்து மேலும் தாம்பரம் ரெயில்வே போலீசார் தீவிரமாக விசாரணை நடத்தி வருகின்றனர்.