காவலா் வீரவணக்க நாள்

மைசூரு:

பணியில் இருக்கும் போது உயிர் நீத்த போலீசாரின் நினைவாக ஆண்டுதோறும் அக்டோபர் மாதம் 21-ந்தேதி காவலர் வீரவணக்க நாளாக அனுசரிக்கப்பட்டு வருகிறது. அதன்படி நேற்று காவலர் வீரவணக்க நாள் அனுசரிக்கப்பட்டது. இதேபோல் மைசூருவிலும் காவலர் வீரவணக்க நாள் அனுசரிக்கப்பட்டது. மைசூரு போலீஸ் கமிஷனர் அலுவலகம் மற்றும் போலீஸ் சூப்பிரண்டு அலுவலகத்தில் இருக்கும் போலீஸ் நினைவு தூணுக்கு போலீஸ் கமிஷனர் ரமேஷ் மலர் வளையம் வைத்து அஞ்சலி செலுத்தினார். அந்த சமயத்தில் ஆயுதப்படை போலீசார் துப்பாக்கியால் வானத்தை நோக்கி 21 முறை சுட்டு உயிர்நீத்த போலீசாருக்கு அஞ்சலி செலுத்தினர். இந்த நிகழ்ச்சியில் மைசூரு மாவட்ட போலீஸ் சூப்பிரண்டு சீமா லட்கர் உள்பட பலர் கலந்துகொண்டனர்.