ஏரியில் மூழ்கி 2 சிறுவர்கள் பலி

துமகூரு:-

துமகூரு (மாவட்டம்) தாலுகா அரேயூரு அருகே தேவரஹட்டி கிராமத்தை சேர்ந்த தம்பதியின் மகன் மனோஜ் (வயது 12), அதே கிராமத்தில் வசிக்கும் சிறுவர் சிரந்த் (14). இவர்கள் 2 பேரும் நண்பர்கள் ஆவார்கள். நேற்று முன்தினம் ஏரியில் மாடுகளை கழுவுவதற்காக சென்றனர். அப்போது எதிர்பாராத விதமாக மனோஜ், சிரந்த் ஏரிக்குள் தவறி விழுந்து விட்டனர். நீச்சல் தெரியாமல் 2 பேரும் தண்ணீரில் மூழ்கி தத்தளித்தார்கள். அந்தப்பகுதியில் யாரும் இல்லை என தெரிகிறது. இதனால், மனோஜ், சிரந்த் ஆகிய 2 பேரும் ஏரி தண்ணீரில் மூழ்கி பரிதாபமாக இறந்து விட்டார்கள். இதுகுறித்து துமகூரு புறநகர் போலீசார் வழக்குப்பதிவு செய்து விசாரணை நடத்தி வருகின்றனர். இந்த சம்பவம் அந்தப்பகுதியில் சோகத்தை ஏற்படுத்தியது.