லைவ் அப்டேட்ஸ்: குஜராத் தேர்தல் - வாக்குப்பதிவு நிறைவு

குஜராத்தில் மாற்றத்தை கொண்டு வருவோம்: ராகுல் காந்தி டுவிட்

குஜராத்தில் மாற்றத்தை நாங்கள் கொண்டு வருவோம். இளைஞர்கள், பெண்கள், விவசாயிகளுக்கு அளித்த வாக்குறுதிகள் நிறைவேற்றப்படும். குஜராத் மக்கள் அதிக எண்ணிக்கையில் வந்து தங்கள் வாக்கினை பதிவு செய்ய வேண்டும். குஜராத்தின் வளர்ச்சி மற்றும் முன்னேற்றத்திற்காக உங்களின் ஜனநாயக கடமையை நிறைவேற்றுங்கள் என்று தனது ட்விட்டரில் ராகுல் காந்தி பதிவிட்டுள்ளார்.

மத்திய உள்துறை அமைச்சர் அமித்ஷா தனது மகனும் பிசிசிஐ செயலருமான ஜெய்ஷாவுடன் வந்து தனது வாக்கினை பதிவு செய்தார். அகமதாபாத்தின் நரன்புரா பகுதியில் உள்ள ஏ.எம்.சி மண்டல அலுவலகத்தில் அமைக்கப்பட்டு இருந்த வாக்குச்சாவடியில் அமித்ஷா ஓட்டு போட்டார்.

இன்று காலை 9 மணி நிலவரப்படி 4.75 சதவீத வாக்குகள் பதிவாகியுள்ளது. அதிகபட்சமாக காந்திநகரில் 7 சதவீத வாக்குகள் பதிவாகியுள்ளது. 

Gujarat polls second phase: Voter turnout at 4.75 pc till 9 am, Gandhinagar highest with over 7 pc

Read @ANI Story | https://t.co/wulQVw6LxR
#GujaratPolls #GujaratElections2022 #VoterTurnout pic.twitter.com/ZvespB9Zga

— ANI Digital (@ani_digital) December 5, 2022

குஜராத் தேர்தல்: வரிசையில் நின்று வாக்களித்த பிரதமர் மோடி

அகமதாபாத் நகரில் உள்ள பள்ளியில் பிரதமர் மோடி வாக்குசாவடி மையத்திற்கு சென்று வரிசையில் நின்று தனது வாக்கை பதிவு செய்தார்.

பின்னர் செய்தியாளர்களை சந்தித்த பிரதமர் மோடி கூறியதாவது:-

குஜராத், ஹிமாச்சல பிரதேசம் மற்றும் டெல்லி மக்களால் ஜனநாயக திருவிழா வெகு விமர்சையாக கொண்டாடப்பட்டு வருகிறது. நாட்டு மக்களுக்கு நன்றி சொல்ல விரும்புகிறேன்.

தேர்தலை அமைதியாக நடத்திய தேர்தல் ஆணையத்துக்கும் எனது வாழ்த்துகளைத் தெரிவித்துக் கொள்கிறேன் இவ்வாறு அவர் கூறினார்.