நாடாளுமன்றத்தில் இடைக்கால பட்ஜெட் நிறைவேறியது

புதுடெல்லி,

நாடாளுமன்ற மக்களவையில் நேற்று முன்தினம் நிதி மசோதா நிறைவேறியது. காஷ்மீர் யூனியன் பிரதேச நிதிஒதுக்கீடு மசோதா உள்ளிட்ட 4 நிதிஒதுக்கீடு மசோதாக்களும் நிறைவேற்றப்பட்டன.

இந்நிலையில், நேற்று மாநிலங்களவையில் இடைக்கால பட்ஜெட் மீதான விவாதத்துக்கு மத்திய நிதி மந்திரி நிர்மலா சீதாராமன் பதில் அளித்தார். அதைத்தொடர்ந்து மேற்கண்ட மசோதாக்களை மக்களவைக்கு மாநிலங்களவை திருப்பி அனுப்பியது.

இத்துடன், இடைக்கால பட்ஜெட்டை நிறைவேற்றுவது தொடர்பான அனைத்து நடைமுறைகளும் நேற்று நிறைவடைந்தன.