காஷ்மீரில் முதலாவது பிரிவு அக்னி வீரர்களின் பயிற்சி நிறைவு

ஸ்ரீநகர்,

காஷ்மீர் ஸ்ரீநகரில் உள்ள காலாட்படை பிரிவு மையத்தில், முதலாவது பிரிவு அக்னிவீரர்களின் பயிற்சி நிறைவு விழா நேற்று நடைபெற்றது.

அதில் உறுதிமொழி ஏற்பு, அணிவகுப்பு உள்ளிட்ட நிகழ்வுகள் இடம்பெற்றன. பயிற்சியை முடித்த அக்னிவீரர்களுடன், அவரது பெற்றோர்கள் மற்றும் பயிற்சியாளர்களும் பங்கேற்றனர்.

இந்த முதலாவது பிரிவு அக்னிவீரர்களுக்கான கடும் பயிற்சி, கடந்த ஜனவரி 1-ந் தேதி தொடங்கியது.24 வார பயிற்சிக்குப் பின், நாட்டைக் காக்கும் வீரர்களாக அவர்கள் உடல்ரீதியாகவும், மனரீதியாகவும் தயார் செய்யப்பட்டுள்ளனர்.

மேலும் 7 வார தீவிர பயிற்சிக்குப் பின், அவர்கள் அனைவரும் நாட்டில் பல்வேறு பகுதிகளில் பணியில் ஈடுபடுத்தப்படுவார்கள் என ராணுவ செய்தித்தொடர்பாளர் தெரிவித்தார்.