நாடாளுமன்ற பட்ஜெட் கூட்டத்தொடர் மேலும் ஒரு நாள் நீட்டிப்பு

புதுடெல்லி,

நாடாளுமன்ற பட்ஜெட் கூட்டத்தொடர், கடந்த ஜனவரி 31-ந்தேதி ஜனாதிபதி திரவுபதி முர்முவின் உரையுடன் துவங்கியது. இதையடுத்து கடந்த 1-ந்தேதி மத்திய அரசின் இடைக்கால பட்ஜெட்டை நிதி மந்திரி நிர்மலா சீதாராமன் நாடாளுமன்றத்தில் தாக்கல் செய்தார்.

இந்த பட்ஜெட் கூட்டத்தொடர் வரும் 9-ந்தேதி வரை நடைபெறும் என அறிவிக்கப்பட்டிருந்தது. இந்நிலையில், நாடாளுமன்ற பட்ஜெட் கூட்டத்தொடர் மேலும் ஒரு நாள் நீட்டிக்கப்பட்டு, வரும் 10-ந்தேதி வரை நடைபெறும் என மக்களவை சபாநாயகர் ஓம் பிர்லா அறிவித்துள்ளார்.

முன்னதாக பா.ஜ.க. ஆட்சிக்கு வந்த 2014-ம் ஆண்டுக்கு முன்பும், அதற்குப் பின்னரும் இந்தியப் பொருளாதாரத்தின் நிலையை ஒப்பிட்டு நாடாளுமன்றத்தின் இரு அவைகளிலும் மத்திய நிதி மந்திரி நிர்மலா சீதாராமன் 'வெள்ளை அறிக்கை' தாக்கல் செய்வார் என நாடாளுமன்ற விவகாரத்துறை மந்திரி பிரகலாத் ஜோஷி நேற்று தெரிவித்திருந்தார் என்பது குறிப்பிடத்தக்கது.