மதுரை மாநகர் பா.ஜ.க. சார்பில் மாநகராட்சி பகுதிகளில் தினம் ஒரு வார்டில் தூய்மை பணியில் ஈடுபட்டு வருகின்றனர். நேற்று மாவட்ட தலைவர் மகா.சுசீந்திரன் தலைமையில், துணை தலைவர்கள் ஜெயவேல், இளைஞரணி மாநில செயற்குழு உறுப்பினர் பாரி உள்பட 50-க்கும் மேற்பட்ட பா.ஜ.க.வினர் 15-வது வார்டில் தூய்மை பணியில் ஈடுபட்டனர். காலாங்கரை குடியிருப்பு பகுதிகளில் குவிந்திருந்த குப்பைகளை அகற்றினர்.