புரோ கபடி லீக்: பாட்னா அணியை வீழ்த்தி யு மும்பா வெற்றி

புனே,

12 அணிகள் இடையிலான 11-வது புரோ கபடி லீக் போட்டி கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.

இந்த தொடரில் இன்று இரவு 9 மணிக்கு தொடங்கிய ஆட்டத்தில் யு மும்பா - பாட்னா பைரேட்ஸ் அணிகள் மோதின .

பரபரப்பான இந்த ஆட்டத்தில் தொடக்கம் முதல் அபாரமாக விளையாடி ஆதிக்கம் செலுத்திய யு மும்பா அணி ஆட்ட நேர முடிவில் 43-37 என்ற புள்ளிகள் கணக்கில் வெற்றி பெற்றது.