புரோ கபடி லீக்: தமிழ் தலைவாஸ் - உ.பி. யோத்தாஸ் அணிகள் இன்று மோதல்

நொய்டா,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்தில் நடந்து முடிந்தன. இதையடுத்து தொடரின் 2-வது கட்ட லீக் ஆட்டங்கள் நொய்டாவில் நடைபெற்று வருகின்றன.

இதில் இன்று இரவு 8 மணிக்கு நடைபெறும் முதல் ஆட்டத்தில் தமிழ் தலைவாஸ் - உ.பி. யோத்தாஸ் அணிகள் மோதுகின்றன. தொடர்ந்து இரவு 9 மணிக்கு நடைபெறும் மற்றொரு ஆட்டத்தில் ஜெய்ப்பூர் பிங்க் பாந்தர்ஸ் - தபாங் டெல்லி அணிகள் மோதுகின்றன.

இதுவரை நடந்துள்ள லீக் ஆட்டங்களின் முடிவில் புள்ளிப்பட்டியலில் ஜெய்ப்பூர் பிங்க் பாந்தர்ஸ் 6-வது இடத்திலும், தபாங் டெல்லி 7-வது இடத்திலும் உள்ளது. மேலும் தமிழ் தலைவாஸ் 8-வது இடத்திலும், உ.பி. யோத்தாஸ் 9-வது இடத்திலும் உள்ளது.