புரோ கபடி லீக்; பெங்களூரு அணியை வீழ்த்தி புனே வெற்றி

புனே,

புனே, 11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.

இந்நிலையில், இந்த தொடரில் இன்று இரவு 9 மணிக்கு தொடங்கிய ஆட்டத்தில் புனேரி பால்டன் - பெங்களூரு புல்ஸ் அணிகள் மோதின.

இந்த ஆட்டத்தில் புனே அணி சிறப்பாக விளையாடி ஆதிக்கம் செலுத்தியது. இதனால் ஆட்ட நேர முடிவில் 56-18என்ற புள்ளிகள் கணக்கில் புனே அணி வெற்றி பெற்றது.