புரோ கபடி லீக்; பிளே ஆப் மற்றும் இறுதிப்போட்டி நடைபெறும் தேதி & இடம் அறிவிப்பு

நொய்டா,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்தில் நடந்து முடிந்தன. இதையடுத்து தொடரின் 2-வது கட்ட லீக் ஆட்டங்கள் நொய்டாவில் நடைபெற்று வருகின்றன.

இதில் தற்போது வரை 79 லீக் ஆட்டங்கள் முடிவடைந்துள்ளன. இதன் முடிவில் அரியானா ஸ்டீலர்ஸ் முதலிடதில் உள்ளது. தமிழ் தலைவாஸ் 9-வது இடத்தில் உள்ளது. லீக் சுற்று டிசம்பர் 24-ம் தேதியுடன் முடிவடைய உள்ளது.

இந்நிலையில் இந்த சீசனின் பிளே ஆப் சுற்று மற்றும் இறுதிப்போட்டி நடைபெறும் தேதி மற்றும் இடம் அறிவிக்கப்பட்டுள்ளன.

அதன்படி இறுதிப்போட்டி மராட்டிய மாநிலம் புனேயில் உள்ள பாலேவாடி ஸ்போர்ட்ஸ் காம்ப்ளக்சில் டிசம்பர் 29-ந் தேதி நடக்கிறது. முன்னதாக இதே மைதானத்தில் வெளியேற்றுதல் சுற்று 26-ந் தேதியும், அரையிறுதி சுற்று 27-ந் தேதியும், நடைபெற உள்ளது.